Масъулин нокифоятии маблағ ва камбуди мутахассисонро сабаби чунин вазъият медонанд. Чӣ бояд кард, то мушкили дастрасии мардуми маҳаллӣ ба иттилоот ҳалли худро ёбад?
Чӣ буду чӣ шуд...
Мутахассисони ташкилоти ҷамъиятии «Кова» дар солҳои 2012-2013 барои мақомоти вилояти Суғд ва 18 шаҳру ноҳияи он сомонаҳои иттилоотӣ тарроҳӣ кардаву дар шабакаи Интернет ҷой доданд.
Сароғоз интизор мерафт, ки ҳар як мақомоти иҷроияи маҳаллии ҳокимияти давлатӣ аз ин пас иттилооти дорои аҳамияти ҷамъиятиро дар сомонаи худ пайваста ҷойгир хоҳад кард.
Вале алъон танҳо торнамоҳои вилояти Суғд, шаҳрҳои Хуҷанд, Конибодом, Гулистон (собиқ Қайроққум), Бӯстон (собиқ Чкалов) ва ноҳияи Бобоҷон Ғафуров фаъол буда, ба таври муназзам иттилоот пешниҳод мекунанд. Аснои боз кардани сомонаҳои боқимонда, онҳо ё фаъол нестанд, ё дар сафҳаи аслияшон навиштаи «Санҷиши техникӣ» намудор аст (масалан, дар вебсайтҳои навоҳии Мастчоҳ ва Деваштич).
Оё мардум огоҳ аст?
Барои фаҳмидани сатҳи огоҳии мардум аз мавҷудияти сомонаҳои мақомоти маҳаллӣ, дар авохири моҳи апрели соли ҷорӣ як назарпурсиро дар 2 гурӯҳи фейсбукӣ – «Хуҷанд шаҳри ман» (зиёда аз 9000 иштирокдор) ва « Хуҷандро дӯст медорам» (беш аз 11600 иштирокдор) ҷойгир кардем. Бо овардани номгӯйи торнамоҳои фаъол, пурсиши мо ба забонҳои тоҷикию русӣ аз корбарон чунин буд:
«Муҳтарам фаъолони гурӯҳ! Лутфан, ба ин суол посух диҳед: Шумо аз кадом торнамо (сайт)-ҳои айни замон фаъоли мақомоти иҷроияи ҳокимияти давлатии шаҳру ноҳияҳо ва вилояти Суғд истифода мекунед?».
Дар маҷмӯъ аз шумори иштирокдорони ҳар ду гурӯҳи фейсбукӣ 58 нафар овоз додаанд. Зимнан яке аз корбарони интернетӣ дар номгӯйи торнамоҳои фаъоли мақомоти вилояти Суғд ва шаҳру навоҳии он сатри «аз ягонтааш» (имло бетағйир, ба манзури «Ҳеҷ кадом»)-ро илова кард, ки теъдоде аз иштирокдорони гурӯҳ ҷонибдори ин мавқеъ шуданд.
Дар зер доданамои раъйдиҳии корбарони Facebook:
Мушкилот дар асри фанноварӣ
Музаффар Юнусов, сухангӯйи раиси вилояти Суғд фаъол набудани аксари торнамоҳои расмии маҳаллиро ба мушкили молӣ ва камбуди мутахассисони варзида рабт медиҳад. Вай бар ин назар аст, ки роҳандозии сомонаҳои иттилоотӣ дар сохторҳои давлатӣ як ҷузъи муҳими ҳукумати электронӣ маҳсуб ёфта, он ҳамчун пуле миёни ҷомеа ва мақомоти давлатӣ буда метавонад.
Ҳамзамон Маҳмудҷон Дадобоев, котиби матбуотии шаҳрдории Хуҷанд мегӯяд, ки асри XXI қарни технологияи иттилоотӣ аст ва имрӯз наметавон бо васоити куҳнаи таъсиррасонӣ ба хонаҳои мардум роҳ ёфт. Ба андешаи ӯ, мардум бояд дар баробари дастрасӣ ба иттилоот, роҷеъ ба масъалаю муаммоҳое, ки онҳоро ба ташвиш овардааст, тавассути сомонаҳои интернетӣ посух бигиранд.
Аз супориш то амал
Ҳанӯз 3 сол қабл собиқ муовини раиси вилояти Суғд Ҷумъабой Сангинов дар як мулоқоташ бо рӯзноманигорон аз фаъол набудани торнамоҳои мақомоти иҷроияи ҳокимияти давлатӣ изҳори нигаронӣ кард: «Ҳамчун масъули ҳамин самт ҳисоб мекунам, ки кори мо имрӯз дар масъалаи таъсиси сомонаҳои Мақомоти иҷроияи ҳокимияти давлатии шаҳру ноҳияҳои вилоят ғайриқаноатбахш ба роҳ монда шудааст. Тамоми фишангҳоро истифода бурдем. Гумони банда ҳамин аст, ки дар ин ҷо омили тарс ҳам вуҷуд дорад - аз тарафи шахсоне, ки намехоҳанд имрӯз сомонаи мақомоти иҷроияи ин ё он шаҳру ноҳияро таъсис диҳанд».
Зимнан Сангинов ба масъулин супориш дода буд, ки дар асоси Қарори Ҳукумати ҶТ «Дар бораи таъсис додани ҳукумати электронӣ» то охири соли 2013 сомонаҳои расмии ҳамаи шаҳру навоҳии вилояти Суғдро фаъол созанд.
Аммо ба назар мерасад, ки масъулини сохторҳои дахлдор, аз ҷумла, бахши идеологии мақомоти иҷроияи ҳокимияти давлатии шаҳру ноҳияҳо то ҳанӯз аз нақши таъсиррасони васоити электронии ахбор мақсаднок истифода намекунанд. Мисоли чунин ҳолат ноҳияи Деваштич (собиқ Ғончӣ)аст, ки зиёда аз 140 ҳазор аҳолӣ дорад, вале торнамои расмияш аз соли 2013 инҷониб бо навиштаи «Санҷиши техникӣ» фаъол нест.
Сабабашро муовини аввали раиси ин ноҳия Рафоат Каримова ба камбуди маблағ ва норасоии мутахассисони идоракунанда марбут медонад.
Чӣ бояд кард?
Дар робита ба ин масъала Сӯҳроб Ниёзов, коршиноси фанновариҳои иттилоотиву иртиботӣ мегӯяд, ки пеш аз оғози фаъолияти сайтҳо бояд нақшабандӣ кард ва заминаи кадрию техникиро фароҳам сохта, бо мутахассисон дар ин самт ҳамкории зич ба роҳ монд. Ҳамзамон хароҷоте, ки ин сайтҳо талаб мекунанд, бояд рӯйпӯш карда шавад, то фаъолияташон қатъ нагардад.
Дастрасӣ ба иттилоот = шаффофияти мақомот
Дар замони рушди фанновариҳои навин мавҷуд ва фаъол будани торнамоҳои мақомоти давлатӣ заминаи дастрасии мардум ба иттилооти дорои аҳамияти ҷамъиятӣ ва таъмини шаффофияти кори масъулин буда, қадами устувор дар самти татбиқи ҳукумати электронӣ мебошад.
Парламент Грузии принял «закон об иноагентах» во втором чтении
Салом алейкум, Таджикистан! Анонсы событий, день в истории, прогноз погоды на 2 мая 2024 года
Как встречали 1 мая в советском Душанбе
Хотите заняться социальным предпринимательством, но не знаете, как правильно это сделать?
В Таджикистане выросло поголовье крупного рогатого скота
Подарки от «Кока-Кола»: первых участников акции наградили призами
План весеннего призыва в Таджикистане выполнен на 70%
В Душанбе пройдёт международная выставка-ярмарка отечественных производителей
Журналисту, дипломату, ученой Халиме Хушкадамовой - 70 лет
Будущее Таджикистана: как умные города и лидерство помогут развитию страны
Все новости
Авторизуйтесь, пожалуйста
Журналист5 июня, 2016 22:07
Журналист ба Хадамот: Нахуст ба муаллифони мавод аҳсан мегӯям, ки чунин як маводи хуби чандрасонаиро аз вилояти Суғд омода карданд ва шояд яке аз аввалин маводи чандрасонӣ дар минтақаи Суғд бошад, ки тамоми нозукиҳои маводи чандрасонаиро фаро гириффтааст. Дигар масъалаи хандааовар ба шарҳи Хадамот аст, ки шарм надошта, чунин баён дошта, ки гуиё "...Сомонаи Сугд аз руи ташрифи истифодабарандахо давоми хафта кариб 10000 нафар ворид мешавад...". Аз эҳтимол дур нест, ки он "ҳисобкунак" низ метавонад фиреб диҳад ва ворид шудани ин қадар одамони зиёд ба торнамои шумо ба дили хадамот "роҳат" бахшад, аммо барои истифодабарандагон не, чун бархе аз онҳо дар яке аз гурӯҳҳои фаъоли шабакаи иҷтимоӣ назари хешро баён доштаву овози худро додаанд, ки он на сатҳӣ аст, балки ман фикр мекунам, реалӣ аст. Чаро, ки агар торнамои Суғд ҷойи аввалро мегирифт, ин гуна назари "ғаразнок" гуфта намешуд, аммо вақте ҷойи дуюмро гирифт (ҳарчанд муаллифон дар ин бора ҳарфе ҳам нагуфтаанд, ки кадом сомона ҷойи якум асту кадоме ҷойии дигарро гирифтааст), маълум, ки барои Хадамот алам кардааст. Ман фикр мекунам, ки сомонаи Хуҷанд низ як ҷузъи ҳукумати вилоят аст ва ҳатто маркази ин минтақа ҳам мебошад, баръакс ҷаноби Хадамот хушбин бояд буд, ки торнамои аз они Шумо ва Хуҷанро мардум нохун мезананду аз он истифода мекунанд... "...Мавод нишонрас нест боз дигар чабхахо буд, ки аз назари эшон дур мондааст. Журналистони касбӣ мефахманд кадом пахлухоро бояд медиданд. Барои семинар мешавад. Аммо чавхар нест". ))))) Маводи нишонрас нест, танҳо ба хотири он ки торнамои Шумо ҷойи дуюмро гирифтааст, бале-бале дуруст фащмидед. Вале ман ҳамчун як журналист чунин мефаҳмам, ки ин мавод танҳо ҷабҳаи фаъол ё фаъол набудани ин ё он торнамои МИҲД шаҳру навоҳии Суғдро кушода додааст, ки ду намояндаи расмӣ (Юнусов ва Дадобоев) далели ин гуфтаҳост. Ҳатто дар суоле, ки ҷаноби Хадамот агар хонда бошед, дар шабакаи иҷтимоии Фейсбук аз суйи муаллифон гузошта шудааст, сухан дар бораи рейтинги сомонаҳо нарафтааст, баръакс он ҷо сомонаҳое зикр шудаанд, ки фаъол ҳастанду аз он мавод хонда мешавад, гузошта шудааст. Аз ин ҷост, ки сухан ҳатто дар бораи мақоми кадоме аз сомонаҳо хубтар аст, намеравад.
хадамот4 июня, 2016 13:01
Мавод, Мулорачаб дуруст кайд карданд. Аз ин хадаф чи буд номаълум. Бад назар санчи низ сатхи аст. Ман фикр мекунам лозим хам набуд. Сомонаи Сугд аз руи ташрифи истифодабарандахо давоми хафта кариб 10000 нафар ворид мешавад. Аз хабархои он бисёрии сомонахои дигари маркази истифода мебаранд. Сабаб чи буд ки дар назарсанчии ин гурух чои дуюмро муносиб донистанд. Аз сомонаи Хучанд ду баробар зиёд ташрифот дорад. Мавод нишонрасс нест боз дигар чабхахо буд ки аз назари эшон дур мондааст. Журналистони касби мефахманд кадом пахлухоро бояд медиданд. Барои семинар мешавад. Аммо чавхар нест!!!
Зафарҷон3 июня, 2016 00:30
Салом дӯстон. Ҷамшедчон, раҳмати калон барои мақолаи доғи рӯз. Солҳои 2012-2013, банда бо як гурӯҳ ҳамкасбон дар асоси амалӣ намудани лоиҳаи Барномаи Рушди деҳот, барои МИҲД вилоят ва 14 (!), на 18 мақомотҳо сомонаҳои расмиашонро таҳия намуда будем. Аммо чӣ хеле, ки Шумо нағз медонед сомона бе мавод чун илми бе амал мебошад. Бино бар ин дар асоси он лоиҳа мо семинаре низ барои омода намудан ва дар сомонаҳо нашр намудаи маводҳо баргузор карда будем. Ин исботи суханон: 1. http://www.mediasugd.tj/index.php?option=com_content&view=article&id=141:2013-02-18-05-42-28 2. http://sadoimardum.tj/minta-a-o/viloyati-su-d/adami-nahustin-ba-s-ji-ukumati-e-lektron/ Ҳатто аз тарафи Барнома - ба ҳар як мақомоти маҳаллӣ компютеру модемҳо (барои дастрасӣ ба шабака) ва маблағҳои яксолаи домену хостингҳо пардохт шуда буд. Аммо, мутаассифона на ҳама мақомотҳо фаъол будани сомонаҳои худро хостанд. Аксарияти онҳо аҳамияти ба таври фаврӣ пешниҳод кардани маводҳоро (асосан оиди фаъолияти мақомот) ва беҳудуду бесарҳад будани имконияти нашр кардани маводҳо дар шабакаро то ҳоло дарк накардаанд. Банда фикр менамоям, ки дар ин ҷо танҳо хоҳиш ва майлу рағбат доштани шахси якум ба фанновариҳои муосир аҳамияти ҷиддӣ дорад. Дар ҳолати шахси якум ин корро хоҳад, ҳам маблағ (аз ким-куҷо) ёфт мешавад ва дар ҳоли пайдо шудани маблағҳои зарурӣ - мутахассисони ватанӣ хело бисёранд.