Бонки аврупоии таҷдиду рушд (БАТР) барои таъмиру навсозии низоми марказии гармидиҳӣ дар Душанбе 10 млн доллар ҷудо мекунад, ки гуфта мешавад бар пайи он бештар аз ним миллион нафар сокини пойтахт бо гармӣ таъмин мешаванд.
Тавре нашрияи парлумонии “Садои мардум” хабар медиҳад, лоиҳаи «Таъминоти гармӣ дар шаҳри Душанбе» дар ду марҳила 5,0 млн. қарзи имтиёзнок ва дар ду марҳилаи дигар 5,0 млн. доллари амрикоӣ маблағи грантӣ татбиқ шуда, соли 2025 ба анҷом мерасад.
Гуфта мешавад, ҳадаф аз амалисозии лоиҳа кам намудани талафоти ғайримеъёрии неруи гармии дар шаҳри Душанбе истифодашаванда, коҳиш додани арзиши истеҳсолии неруи гармӣ ва бартараф намудани садамаҳо дар шабакаҳои оби гарми шаҳри Душанбе мебошад.
“Дар доираи лоиҳа, инчунин, насби қубурҳои ҷадид ва системаи автоматикии таъминоти оби гарм дар шаҳри Душанбе, инчунин, муҷаҳҳазгардонӣ бо техника ва механизмҳои нав пешбинӣ гардидааст”, - омадааст дар хабари нашрия.
Вазири молияи ҷумҳурӣ ба вакилони парлумон шарҳ додааст, ки татбиқи лоиҳа барои ба таври автоматӣ баҳисобгирии неруи гармӣ, танзими кори шабакаҳо ва иқтидорҳои истифодашаванда, баҳисобгирии электронии маблағи хизматрасонии гармидиҳии муштариён, ба роҳ мондани шаклҳои муосири қабули пардохт бе иштироки назоратчиёнро таъмин менамояд.
Аз рӯи ҳисобҳои пешакӣ, дар доираи лоиҳа зиёда аз 500 ҳазор сокини пойтахт бо гармидиҳии устувори марказӣ дар фасли зимистон таъмин карда мешаванд.
узви Кумитаи Маҷлиси намояндагон оид ба энергетика, саноат, сохтмон ва коммуникатсия Абдуҳалим Ғаффорзода зикр кардааст, ки Созишномаи грантӣ байни ҶТ, Муассисаи «Шабакаи гармидиҳандаи шаҳри Душанбе»-и ва БАТР оид ба татбиқи ин лоиҳа 14 апрели соли 2021 дар шаҳри Душанбе имзо шудааст.
Вакил ҳамчунин гуфтааст, пас аз татбиқи лоиҳа аз ҳисоби кам намудани талафоти қувваи гармӣ, афзоиш додани миқдор ва маблағи неруи гармии фоиданок, кам гардидани шумораи назоратчиён ва кам гардидани хароҷот вобаста ба таъмирҳои ҷориву асосӣ дар шабакаҳои гармидиҳандаи шаҳри Душанбе фоидаи иловагӣ ба даст меорад.
Ба гуфтаи Ғаффорзода, 93 фоизи маблағи лоиҳа ба рушди инфрасохтор равона гардида, 7 фоизи боқимонда барон нигоҳдории қурби асъор ва ҳолатҳои ғайричашмдошт равона мегардад.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
«Я всё еще не могу понять эту актёрскую профессию и ищу в ней что-то неизведанное». Хошиму Гадо 87 лет
Коалиция против пыток в РТ: в 2023 году документировано 16 обращений от предполагаемых жертв пыток
Сотни мигрантов из Таджикистана не смогли получить патенты в Санкт-Петербурге
Таджикистан и Кыргызстан договорились усилить разъяснительную работу в приграничных районах
Таджикистан и США подписали документ о внедрении системы для регулирования передвижения террористов
Как таджикский ветеран нашел своих освободителей из лагеря Освенцима
Таджикистан и Китай планируют модернизацию «Таджикского алюминия», строительство эстакад и реконструкцию дороги до Кульмы
Армения отказалась от финансирования ОДКБ в 2024 году
Дзюдоисты Таджикистана примут участие в двух важных турнирах перед Олимпиадой-2024
В ГБАО сошла лавина, а в Нурабаде – сель
Все новости
Авторизуйтесь, пожалуйста