Мақомоти Ӯзбекистон мегӯянд, дар натиҷаи истеъмоли доруи “Док-1 Макс” 18 кӯдак дар он кишвар маъюб шуда, шумори кӯдакони фавтида ба 69 расидааст. Ба рӯйхати айбдоршавандаҳо ду нафари дигарро шомил кардаанд. Ба ин тартиб, шумори айбдоршаванда ба 23 расидааст.
Рӯзи 5-уми январ дар додгоҳе дар шаҳри Тошканд баррасии парвандаи мазкур идома кардааст.
Додгоҳи олии Ӯзбекистон 1-уми декабри соли 2023 иттилоъ дода буд, ки баъзе аз маводи парванда “барои бозбинии хулосаи айбдоркунӣ, анҷом додани тафтиши иловагӣ ва ба ҳайати гумонбарон шомил кардани шахсони дигар” бозпас фиристода шудаанд.
Баррасии парвандаи доруи “Док-1 Макс”, ки дасти кам 69 кӯдак баъди истеъмоли он ҷон бохт, 11-уми августи соли 2023 шурӯъ гашт. Дар курсии айбдорӣ 23 кас, аз ҷумла сардори пешини Оҷонси рушди соҳаи дорусии Ӯзбекистон ва мудири ширкати “Quramax Medikal” нишастаанд.
Дар Ӯзбекистон моҳи декабри соли 2022 ҷамъан 69 кӯдак аз истеъмоли шарбати “Док-1 Макс”, ки аз сӯи ширкати “Marion Biotech” истеҳсол мешуд, ҷон доданд. Баъди ин фурӯши доруи мазкур дар Ӯзбекистон ва чанд кишвари дигари Осиёи Марказӣ манъ шуд.
Хадамоти амнияти Ӯзбекистон дар робита ба марги кӯдакон парвандаи ҷиноӣ боз кард.
Нигаронии ҷиддӣ аз нақзи ҳуқуқ ва озодиҳои тоҷикон. Тоҷикистон ба сафири Русия нотаи эътирозӣ супорид
Бонки исломии рушд барои сохтмони НБО Роғун 150 миллион доллар ҷудо кард
Дар Тоҷикистон 25 собиқадори Ҷанги Бузурги Ватанӣ боқӣ мондаанд
Бонки миллӣ бори дуюм аз оғози сол меъёри бозтамвилро паст кард
Аввал расид, баъд шаҳодатномаи хатм? Шикоят аз ҳуҷҷатсупории иҷборӣ ба Маркази миллии тестӣ
Президенти БАТР бо сафари дурӯза ба Душанбе меояд
“Бегуноҳ аст”. Додгоҳҳои Тоҷикистон давоми 5 сол чанд ҳукми сафедкунанда содир кардаанд?
Амрико барои нигоҳдорӣ ва ҳифзи Панҷакенти куҳан беш аз $186 ҳазор ҷудо кард
Супоридани имтиҳони забони русӣ барои муҳоҷирон сангинтар мешавад
Дар бозӣ барои ҷойи сеюм низ бахти футзалистони тоҷик дар пеналти омад накард
Кулли ахбор
Авторизуйтесь, пожалуйста