Дар Ниммарафони 6-уми байнулмилалӣ ба муносибати таҷлили ҷашни Рӯзи пойтахт, ки ахири ҳафтаи гузашта доир гардид, миён мардон варзишгари русиягӣ аз шаҳри Самара Юрий Чечун ғалаба ба даст овард.
Котиби матбуотии раиси пойтахт Шавкат Саидов ба «Азия-Плюс» дар ин робита иттилоъ дод, ки дар ниммарафон ба масофаи қариб 22 километр Чечун зинаи аввал, Андрей Петров (Ӯзбекистон) - зинаи дуюм, Вайтака Самуэл (Кения) - зинаи сеюм, Степан Киселев (Русия) - зинаи чорум, Муго Энтони (Кения) - зинаи панҷум ва Иля Петкин (Қирғизистон) - зинаи шашумро ишғол намуданд.
Ба иттилои манбаъ, дар ниммарафон миёни занон варзишгари русиягӣ Юлия Чиженко аз шаҳри Санкт-Петербург пирӯзӣ ба даст оварда, Марина Химелевская (Ӯзбекистон) - ҷойи дуюм, Жаннатбек Гулжанат (Қазоқистон) - ҷойи сеюм, Катя Фатеева (Русия) - ҷойи чорум, Ираида Александрова (Русия) - ҷойи панҷум ва Зайнаб Мансурӣ (Эрон) - ҷойи шашумро касб намуданд.
Ёдрас мекунем, ки барои баргузории ин чорабинӣ мақомоти шахрдории Душанбе зиёда аз 202 ҳазор сомонӣ (беш аз 40 ҳазор доллари ИМА) маблағ ҷудо намуда, ғолибон (ҳам байни мардону ҳам байни занон) бо 3,5 ҳазор, варзишгарони ҷойи дуюмро ишғолкарда ҳар кадоме бо 3 ҳазор, ҷойҳои сеюм - 2,5 ҳазор, чорум - 2 ҳазор, панҷум - 1,8 ҳазор ва варзишгарони ба мақоми шашум дастёфта бо 1,5 ҳазор оллари ИМА мукофотпулиҳо қадрдонӣ шуданд.
Қобили зикр аст, ки дар ниммарафони соли гузашта низ тамоми зинаҳои аввалро варзишгарони хориҷӣ касб намуда буданд.
Шаби эҷодии Ҳошим Гадо дар Душанбе бидуни ҳузури худаш гузашт
Нархи сӯзишвории дизелӣ дар Осиёи Марказӣ ва кишварҳои собиқи Иттиҳоди Шӯравӣ
Вазири корҳои хориҷии Чин ба Тоҷикистон меояд
Тамдиди муҳлати ҳабси чаҳор гумонбари асосии ҳамлаи террористӣ ба “Крокус”
Рӯзҳои истироҳат дар Тоҷикистон боришоти пуршиддат дар назар аст
Ҳисоббаробариҳои Тоҷикистону Русия бо рубл ба 80% расиданд
Муҳлати таътили мактабхонҳо дар Тоҷикистон кам карда шуд
Дар Панҷакент кӯшки асрҳои VI-VIII кашф шуд
Эмомалӣ Раҳмон прокурорҳои генералии кишварҳои узви СҲИ-ро ба ҳузур пазируфт
Навраси 13-сола дар дарёи Хонақоҳи Ҳисор ғарқ шуд
Кулли ахбор
Авторизуйтесь, пожалуйста