Дар Тоҷикистон Федератсияи бозиҳои миллии варзишӣ таъсис ва Абдулло Раҳмонзода, раиси Кумитаи кор бо ҷавонон ва варзиш, аввалин президенти ин ниҳод интихоб шудааст. Дар ин бора Кумитаи миллии олимпии Тоҷикистон (КМОТ) хабар медиҳад.
Дар ҷаласаи КМОТ, ки 19 январ баргузор гардидааст, раиси Кумитаи кор бо ҷавонон ва варзиш, ноиби Президенти Кумитаи миллии олимпии Тоҷикистон Абдуллоҳ Раҳмонзода зарурати ташкили Федератсияи бозиҳои миллии варзиширо таъкид карда, гуфтааст, тоҷикон аз зумраи миллатҳое ҳастанд, ки тавонистанд ҳастии худро маҳз тавассути расму оин, забон, фарҳанг, суннатҳои миллӣ ва бозиҳои миллии варзишӣ ҳифз намуда, аз насл ба насл мерос гузоранд.
“Моро зарур аст, дар баробари доштани имконияти таърихӣ барои эҳё, рушд ва нумуи арзишҳои миллӣ талош намоем. Аз ҷумла масъулини соҳаи варзиш барои эҳё ва рушди бозиҳои миллии варзишӣ бояд ҷидду ҷаҳд намоянд, зеро бозиҳои миллии мо ҷузъи фарҳанг ва таърихи мо буда, дар муқоиса бо бозиҳои миллии дигар миллатҳо хусусиятҳои зеҳнӣ ва тафаккурӣ доранд. Бояд зикр намуд, ки онҳо на танҳо воситаи шуғл ва вақтгузаронӣ мебошанд, балки ба рушди ҷисмонӣ ва зеҳнии насли наврас метавонанд таъсири мусбат дошта бошад”, - иброз намудааст Абдулло Раҳмонзода.
Ҳамин тавр, пешниҳод гардидааст, ки Федератсияи бозиҳои миллии варзишии Тоҷикистон таъсис дода шавад. Пешниҳод қабул гардида, Абдулло Раҳмонзода президенти федератсияи навтаъсис интихоб шудааст.
Аз қитъаи замин то шаҳодатномаи ронандагӣ. Чаро ваъдаҳои мақомот ҷавононро ба хидмати ҳарбӣ дилгарм намекунад?
“Шоҳ” ва ситораҳои тобони ҷудои ҷаҳон ба Душанбе омаданд. Онҳо дар "Dushanbe Grand Slam 2024” иштирок мекунанд
Ҳаҷми истеҳсоли маҳсулоти кишоварзӣ дар Тоҷикистон зиёд шуд
БИР ва фондҳои рушди араб барои маблағгузорӣ ба неругоҳи “Роғун” 550 млн доллар ҷудо мекунанд
Марказҳои тестии Русия дигар аз муҳоҷирон имтиҳон қабул намекунанд. Акнун дар куҷо ва чӣ хел онро бояд супорид?
Нақшаи даъвати ҳарбӣ 70% иҷро шуд. “Облава” аз байн рафт?
Дар Суғд куҳансолтарин дарахтонро рӯйхат мекунанд
Тамокукашӣ ва вазни зиёдатӣ: чӣ гуна бо одатҳои бад метавон аз саратон пешгирӣ кард?
Даст ба ҷайби мардум? Ва ё чаро ҳизбҳои сиёсӣ набояд аз буҷети давлат маблағгузорӣ шаванд?
Бонки миллии Тоҷикистон ва Бонки марказии Ӯзбекистон созишномаи ҳамкорӣ ба имзо расониданд
Кулли ахбор
Авторизуйтесь, пожалуйста