Толибон дафтарҳои ду пешвои шиёни Афғонистон: Оятуллоҳ Муҳаммадисҳоқ Файёз ва Оятуллоҳ Муҳаққиқи Кобулиро дар шаҳри Ғазнӣ бастаанд. Дар ин бора "Афғонистон интернейшнл" бо такя ба манобеаш дар Ғазнӣ хабар медиҳад.
Толибон далели баста шудани дафтари ин ду марҷаи тақлиди шииёнро надоштани иҷозатномаи фаъолият унвон кардаанд.
Бино ба навиштаи манбаъ, Толибон дар рӯзҳои ахир чандин бор дафтари ин ду марҷаи мазҳабиро баррасӣ ва тафтиш карда, масъулони онҳоро боздошт кардаанд.
Бо такя ба манбаъҳои муътабар, "Афғонистон интернейшнл" менависад, ки Толибон ду масъули дафтари Оятуллоҳ Файёзро бо талаби берун нарафтан аз макони зист пас аз боздошт раҳо кардаанд, вале масъулони дафтари Оятуллоҳ Муҳаққиқи Кобулиро то кунун раҳо накардаанд.
Дафтарҳои марказии ин ду марҷаи тақлиди шииён дар шаҳри Наҷафи Ироқ аст. Ин ду марҷа дар бархе аз вилоятҳои асосан шианишини Афғонистон дафтар доранд.
Бастани ин дафтарҳо дар ҳолест, ки ахиран Забеҳуллоҳ Муҷоҳид дар пайи гузориши вазорати хориҷаи Амрико дар мавриди нақз шудани озодиҳои динӣ дар ҳукумати Толибон, гуфт, ки ҳуқуқи ҳамаи аққалиятҳои мазҳабӣ дар Афғонистон маҳфуз аст.
Манбаъ навиштааст, ки Толибон баъди тафтиши дафтарҳои ин ду марҷаи тақлид ба масъулони дафтарҳо гуфтаанд, ки "шумо давлат дар даруни давлат эҷод кардаед. Мактабу мадрас месозед, даъво ҳал мекунед. Кӯмак ҷамъоварӣ ва тавзеъ мекунед ва дафтарҳои сабти издивоҷу талоҳ доред".
Толибон талаб кардаанд, ки ин дафтарҳо бояд аз вазорати ҳаҷҷу авқофи ин гурӯҳ иҷозатнома бигиранд.
Дар Telegram, Facebook, Instagram, OK ва ВК бо мо бимонед.
Боз 47 зану кӯдаки тоҷикро аз Сурия ба Тоҷикистон баргардониданд
“Акнун ба Чин меравам”. Ҷорӣ шудани низоми раводид бо Туркия ба тоҷирони тоҷик чӣ таъсир дорад?
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Кулли ахбор
Авторизуйтесь, пожалуйста