Душанбе. 13-уми июл. «Азия-Плюс» — | Дар мулоқоти вазири молияи ҷумҳурӣ Сафаралӣ Наҷмиддинов ва гурӯҳи Бонки миллӣ бо сарварии Ларс Йенсен масоили рушди ҳамкориҳои дуҷониба баррасӣ шуданд.
Тавре ба ОИ «Азия-Плюс» аз котиботи Вазорати молия хабар доданд, мулоқот дар рӯхияи созанда баргузор шуда, дар он оид ба масоили муҳим ва мушкилот дар бахши молиявӣ-бонкдорӣ табодули афкор сурат гирифт. «Ҷонибҳо масоили дурнамои ҳамкории дуҷониба дар соҳаҳои гуногуни фаъолият ва муносиботи кишвар бо созмонҳои банулмилалии молиявиро баррасӣ карданд», - гуфтанд дар котиботи вазорат.
Дар ҷараёни мулоқот Ларс Йесен зикр кард, ки Бонки ҷаҳонӣ ният дорад, минбаъд низ расонидани кӯмаки техникӣ баҳри амалисозии идоракунии қарзи давлатиро идома дода, оид ба таҳлили вазъи қарз ва таҳияи пешниҳодот бобати устуворӣ ва таъмини қарзи давлатии Тоҷикистон, ки ҳадафи аслии татбиқи барномаи Бонки ҷаҳонӣ дар ҷумҳурӣ аст, тренингу семинарҳо доир намояд.
Дар навбати худ вазири молияи ҷумҳурӣ Сафаралӣ Наҷмиддинов изҳор кард, ки дар давраи баъдибӯҳронӣ кӯмаки Бонки ҷаҳонӣ саривақтӣ ва зарур аст. Ӯ ба рушди минбаъдаи ҳамкориҳои дуҷониба изҳори боварӣ кард.
Зикр гардид, ки гурӯҳи Бонки ҷаҳонӣ дар Тоҷикистон бо раёсатҳои дахлдори Вазорати молия ва Бонки миллии ҷумҳурӣ масоили марбут ба самтҳои асосии сиёсати иқтисодиро баррасӣ мекунад.
Дар Тоҷикистон барои монеи таҳсили хонандагон шудан ҷавобгарии ҷиноятӣ пешбинӣ гардид
Кишти баҳорӣ дар Тоҷикистон дар арафаи анҷомёбист, вале камобӣ эҳсос мешавад
Дар семоҳаи аввали соли 2024 чӣ қадар тоҷикистониён ба Русия рафтаанд?
Тоҷикистон то охири ҳамин моҳ ба ҳалқаи ягонаи энергетикии Осиёи Марказӣ бармегардад
Афғонистон аз ҳуқуқи овоздиҳӣ дар СММ барои пардохт накардани аъзоҳаққӣ маҳрум шуд
Вазири корҳои дохилии Русия: “Муҳоҷирон ҳамагӣ ба 4%-и ҷиноятҳо даст доранд”
Дар Тоҷикистон кӯдакон дигар идгардак намекунанд
Кӣ ва чӣ тавр ба тоҷикон дар Русия кӯмак мекунад?
КҲФ боз аз хатари омадани селҳо огоҳ кард
Нақшаи даъвати ҳарбӣ дар Хатлон 100% иҷро шуд
Кулли ахбор
Авторизуйтесь, пожалуйста