Ширкати ҳавопаймоии тоҷикистонии «Тоҷик Эйр» чаҳор ҳавопаймои Sukhoi Superjet-100-и истеҳсоли ҶСП «Гражданские самолеты Сухого»-ро дастрас карданист.
Дар доираи баргузории намоишгоҳи ҳавонавардӣ-кайҳонии МАКС-2011 дар шаҳри Маскав директори генералии ширкати «Точик Эйр» Музаффар Исҳоқов ва президенти ширкати русиягии «Гражданские самолеты Сухого» Владимир Присяжнюк дар хусуси нияти дастрас кардани ҳавопаймоҳои мазкур созишнома ба имзо расониданд.
Таввре ба ОИ «Азия-Плюс» аз хадамоти матбуоти ширкати ҳавопаймоии «Тоҷик Эйр» хабар доданд, «ҳавопаймоҳо тариқи лизинг дастрас гардида, ду ҳавопаймои нахустин ахири соли 2013 ба Дшанбе оварда мешаванд. Арзиши ҳавопаймоҳо сирри тиҷоратӣ аст».
Дар ширкати ҳавопаймоӣ зикр карданд, ки ҳавопаймоҳои Sukhoi Superjet-100 (LR) бо афзоишии масофаи парвоз барои истифода дар хатсайрҳои масофаи то 4500 км пешбинӣ шудаанд. «Ҳавопаймо 98 ҷойи нишаст барои мусофирон дошта, навъҳои ҳавопаймоҳои кӯҳнашудаи Ту-134 ва Ту-154-ро иваз менамояд», - гуфт манбаъ.
Дар маросими имзои созишномаи зикршуда директори генералии ширкати «Тоҷик Эйр» Музаффар Исҳоқов изҳор кард, ки истифодаи ин навъи ҳавопаймо аз лиҳози иқтисодӣ пурсамар буда, таъмини боэътимоди амният ва хусусиятҳои хуби он ба ширкати тоҷикистонӣ барои беҳбуд бахшидан ба шабака ва реҷаи хатсайрҳо ва ҳамчунин ифтитоҳи хатсайрҳои нав шароити мусоид фароҳам меоварад.
Дар ширкати ҳавопаймоии «Тоҷик Эйр» ҳавопаймоҳои - Ту-154М, Як-40, Ан-24, Ан-26, Ан-28, «BOEING -757-200», «BOEING -737-500», инчунин чархболҳои МИ-8 МТВ ва МИ-172, МИ-8Т мавриди истифода қарор гирифтаанд.
Ширкати ҳавопаймоии «Тоҷик Эйр» мунтазам парвози ҳавопаймоҳо ба шаҳрҳои Русия – Маскав, Санк-Петербург, Екатеринбург, Сочи, Сургут, Самара, Новосибирск, Иркутск ва ҳамчунин шаҳрҳои Бишкек, Алмаато, Теҳрон ва Шарҷаро ба анҷом мерасонад. Дар хатсайрҳои дохилӣ парвозҳо ба шаҳрҳои Хуҷанд ва Хоруғ ба иҷро расонида мешаванд.
Sukhoi Superjet 100 (SSJ-100) аввалин ҳавопаймои мусофирбарест, ки дар Русияи нав сохта шудааст. Он навъҳои кӯҳнашудаи ҳавопаймоҳои Ту-134, Ту-154 ва Як-42-ро иваз намуда, ба навъҳои мавҷудаи ҳавопаймоҳои ширкатҳои Bombardier (серии CRJ, ARJ21) ва Embraer (силсилаи E-Jet) рақобатпазирӣ мекунад.
Ҳавопаймоҳои мазкур дар корхонаи ҳавопаймоии шаҳри Комсомолски Амур сохта мешаванд. Бори нахуст ҳавопаймо 26-уми сентябри соли 2007 ба маърази тамошои умум гузошта шуд. Арзиши умумии корҳои лоиҳакашиву бунёди он тахминан 1,4 млрд. доллари ИМА-ро ташкил медиҳанд. Арзиши тахминии ҳавопаймои SSJ-100 дар бозор ҳудуди 27 млн. доллари ИМА аст.
"Репатриант" – роҳи дигари муқим шудан дар Русия. Ин чӣ мақом аст ва кӣ метавонад аз он истифода кунад?
Ҳукумати Тоҷикистон ба НБО “Роғун” 5,5 млн доллар маблағи иловагӣ равона мекунад
Сафири Русия ба ВКХ даъват шуд. Тоҷикистон нигаронии худро оид ба эҷоди мушкил дар вуруди шаҳрвандонаш ба Русия иброз дошт
Роҳбари ҶДММ “Лоиқ”: “Санҷиши Агентии зиддифасод дахолат ба фаъолияти соҳибкорӣ аст”
Тоҷикистон медал намегирад? Пешгӯии таҳлилгарон оид ба Олимпиада-2024
Бо пешниҳоди Эмомалӣ Раҳмон. Шукурҷон Зуҳуров раис интихоб шуд
Даргузашти раиси пешини шаҳри Душанбе
Мансабдори пешини қирғиз, ки як санад оид ба марзи Тоҷикистону Қирғизистонро имзо карда буд, аз зиндон озод шуд
Тасарруфи беш аз 142 ҳазор сомонӣ зимни сохтмони як бинои Маркази миллии тестӣ
Додситонии Олмон панҷ зодаи Тоҷикистонро ба терроризм муттаҳам кард
Кулли ахбор
Авторизуйтесь, пожалуйста