Намояндагони Бонки ҷаҳонӣ (БҶ) барои санҷиши рафти корҳои барқароркунӣ дар майдони сохтмони нерӯгоҳи «Роғун» ба Душанбе меоянд.
Вазири энергетика ва саноати ҷумҳурӣ Гул Шералӣ зимни нишасти матбуотӣ изҳор кард, ки як ҳайати мутахассисони БҶ ҳафтаи гузашта ва ҳайати дигар имрӯз ба Душанбе меоянд.
«Пагоҳ, 24-уми июл, онҳо аз майдони сохтмони нерӯгоҳи «Роғун» боздид намуда, пас аз шиносоӣ бо он ба ҳукумат хулосаи худро пешниҳод месозанд», - гуфт ӯ.
Дар робита ба масъалаи коҳиши шумори коргарони нерӯгоҳ, ки чанде қабл ба журналистон вакили Парлумони Аврупо Струан Стивенсон хабар дода буд, вазир гуфт, дар ин хусус ҳеҷ маълумоте надорад.
«Бо масъалаи назорати сохтмони нерӯгоҳи «Роғун» сохтори дигар машғул аст, ки мустақиман ба нахуствазир тобеъ мешавад, - гуфт вай. – Дар бораи коҳиш ё зиёд кардани шумори бинокорон пас аз хулосаҳои намояндагони Бонки ҷаҳонӣ тасмим гирифта хоҳад шуд».
Дар ҳамин ҳол, муовини аввали вазири молияи ҷумҳурӣ Ҷамолиддин Нуралиев имрӯз ба рӯзноманигорон изҳор кард, ки маблағгузорӣ ба сохтмони нерӯгоҳи «Роғун» тибқи реҷаи муқаррарӣ ҷараён дорад.
«Дар нимсолаи аввали соли равон тибқи нақша ба сохтмони ин иншоот 566 млн. сомонӣ равона гардид. Дар маҷмӯъ, то ахири сол ҷудо кардани 1,1 млрд. сомонӣ (беш аз 230 млн. доллари ИМА) пешбинӣ мешавад. Айни замон созишномаҳои баимзорасида бо паймонкорон ва боррасонон оид ба ин иншоот амал мекунанд. Аз ин рӯ, корҳои барқароркунӣ тибқи реҷаи муқаррарӣ идома доранд», - гуфт ӯ.
Нуралиев афзуд, натиҷаҳои баҳодиҳӣ ба лоиҳаи сохтмони нерӯгоҳи «Роғун» аз ҷониби коршиносони Бонки ҷаҳонӣ бояд моҳи майи соли оянда ба итмом бирасанд.
"Репатриант" – роҳи дигари муқим шудан дар Русия. Ин чӣ мақом аст ва кӣ метавонад аз он истифода кунад?
Ҳукумати Тоҷикистон ба НБО “Роғун” 5,5 млн доллар маблағи иловагӣ равона мекунад
Сафири Русия ба ВКХ даъват шуд. Тоҷикистон нигаронии худро оид ба эҷоди мушкил дар вуруди шаҳрвандонаш ба Русия иброз дошт
Роҳбари ҶДММ “Лоиқ”: “Санҷиши Агентии зиддифасод дахолат ба фаъолияти соҳибкорӣ аст”
Тоҷикистон медал намегирад? Пешгӯии таҳлилгарон оид ба Олимпиада-2024
Бо пешниҳоди Эмомалӣ Раҳмон. Шукурҷон Зуҳуров раис интихоб шуд
Даргузашти раиси пешини шаҳри Душанбе
Мансабдори пешини қирғиз, ки як санад оид ба марзи Тоҷикистону Қирғизистонро имзо карда буд, аз зиндон озод шуд
Тасарруфи беш аз 142 ҳазор сомонӣ зимни сохтмони як бинои Маркази миллии тестӣ
Додситонии Олмон панҷ зодаи Тоҷикистонро ба терроризм муттаҳам кард
Кулли ахбор
Авторизуйтесь, пожалуйста