Рӯзҳои ахир қимати як халта орд (50 кило) дар пойтахти кишвар аз 150 то ба 165 сомонӣ боло рафт.
Тамоили мазкурро фурӯшандагон ба коҳиши воридоти орд аз Қазоқистон марбут медонанд.
Дар ҳамин ҳол, дар Вазорати рушди иқтисод ва савдои ҷумҳурӣ бар ин назаранд, ки имсол бинобар сабаби хушксолӣ дар ИМА ва як қатор кишварҳои Аврупои Шарқӣ дар саросари дунё тамоили афзоиши қимати зироати ғалладона ва мутаносибан орд низ ба мушоҳида мерасад. Аз ҷумла, нархҳо ба ин маҳсулот дар Қазоқистон, ки таъминкунандаи асосии Тоҷикистон бо орд аст, низ рӯ ба афзоиш аст.
Дар Вазорати рушди иқтисод ва савдо зикр карданд, ки болоравии қимати орд ва зироати ғалладона дар Қазоқистон ахири моҳи июл оғоз гардида, ин ба Тоҷикистон низ таъсир гузошт.
То анҷоми моҳи Рамазон нархи як халта орд дар Тоҷикистон аз 110 то 130 сомониро ташкил медод. Баъди моҳи Рамазон нархҳо тадриҷан рӯ ба афзоиш ниҳода, дар ибтидои даҳаи ахири моҳи август ин нишондиҳанда аллакай ба 130-150 сомонӣ баробар шуд.
Бино ба маълумоти Агентии омори назди ҳукумати ҶТ, моҳи июли соли равон ба Тоҷикистон ба маблағи беш аз 6,5 млн. доллари ИМА каме бештар аз 19,7 ҳазор тонна ва моҳи август ба маблағи 7,5 млн. доллари ИМА ҳудуди 22 ҳазор тонна орд ворид карда шудааст.
Ба таври дигар метавон гуфт, ки агар моҳи июл як тонна орд ҳудуди 330 доллари ИМА қимат дошт, пас моҳи август он ба 340 доллари ИМА расид. Ҳамин тариқ, моҳи август арзиши як халта орд ба воридкунандагони ин навъи маҳсулот ба Тоҷикистон ба 80 сомонӣ рост омадааст.
Кӣ ва чӣ тавр ба тоҷикон дар Русия кӯмак мекунад?
Дар Тоҷикистон барои монеи таҳсили хонандагон шудан ҷавобгарии ҷиноятӣ пешбинӣ гардид
Кишти баҳорӣ дар Тоҷикистон дар арафаи анҷомёбист, вале камобӣ эҳсос мешавад
Дар семоҳаи аввали соли 2024 чӣ қадар тоҷикистониён ба Русия рафтаанд?
Тоҷикистон то охири ҳамин моҳ ба ҳалқаи ягонаи энергетикии Осиёи Марказӣ бармегардад
Афғонистон аз ҳуқуқи овоздиҳӣ дар СММ барои пардохт накардани аъзоҳаққӣ маҳрум шуд
Вазири корҳои дохилии Русия: “Муҳоҷирон ҳамагӣ ба 4%-и ҷиноятҳо даст доранд”
Дар Тоҷикистон кӯдакон дигар идгардак намекунанд
КҲФ боз аз хатари омадани селҳо огоҳ кард
Нақшаи даъвати ҳарбӣ дар Хатлон 100% иҷро шуд
Кулли ахбор
Авторизуйтесь, пожалуйста