Корҳои сохтмонӣ оид ба таҷдиди роҳи мошингарди Айнӣ-Панҷакент-марзи Ӯзбекистон моҳи феврали соли равон оғоз меёбанд.
Вазири нақлиёти Тоҷикистон Низом Ҳакимов зимни нишасти хабарӣ изҳор намуд, ки рӯзҳои наздик бо ширкати байнулмилалии консалтингӣ ҷиҳати назорат аз болои ҷараёни сохтмон ва идоракунии лоиҳа қарордод ба имзо мерасад, ки барои лоиҳаҳои аз ҷониби созмонҳои байнулмилалӣ маблағгузоришуда шарти ҳатмӣ мебошад.
Ба қавли вазири нақлиёт, паймонкори кулли сохтмон ширкати сохтмонии «Бейсинг»-и Чин интихоб гардида, ҳамаи техникаи зарурӣ ворид ва корҳои омодагӣ ба анҷом расида, корхонаи бетонбарорӣ низ омодаи кор аст. «Дар чунин шароит лоиҳаро метавон на дар муддати 3 соли пешбинишуда, балки дар муҳлати 2,5 сол амалӣ сохт», - таъкид намуд Н.Ҳакимов.
Ёдрас мекунем, ки моҳи сентябри соли гузашта Бонки осиёгии рушд (БОР) эълом дошт, ки барои таъмиру таҷдиди роҳи мошингарди Айнӣ-Панҷакент-марзи Ӯзбекистон ба Тоҷикистон дар ҳаҷми 100 млн. доллари ИМА бурс ҷудо мекунад.
Арзиши умумии лоиҳаи мазкур 136 млн. доллари ИМА-ро ташкил медиҳад. Барои татбиқи лоиҳаи мазкур ҳукумати Тоҷикистон ҳамчун шарики молиявӣ дар ҳаҷми 22 млн. $ сармоягузорӣ ва Фонди ОПЕК (Созмони кишварҳои содиркунандаи нафт) оид ба рушди байнулмилалӣ ба маблағи 14 млн. $ қарз ҷудо мекунад. Вазорати нақлиёт иҷрокунандаи лоиҳаи мазкур маҳсуб гардида, анҷоми он соли 2016 дар назар аст.
Дар доираи татбиқи лоиҳаи мазкур таъмиру азнавсозии роҳ, беҳбуди низоми дренажӣ ва пулҳо, беҳтар намудани вазъи бехатарӣ, беҳбуди зербинои посгоҳи марзии «Саразм», вазъи роҳҳои васлшаванда, иншооти таъиноти истифодаи умум ва омӯзиши аҳолии маҳаллӣ пешбинӣ шудааст.
Корҳои таъмиру азнавсозии лоиҳа 11 адад иншооти назди роҳ, аз ҷумла 3 манзили зистро низ фаро мегиранд, ки барои он аз ҷониби ҳукумат дар ҳаҷми 200 ҳазор доллари ИМА воситаҳои пардохти ҷуброн ҷудо карда шудаанд.
Роҳи мошингарди Айнӣ-Панҷакент-марзи Ӯзбекистон бо масофаи 113 километр қисмате аз Роҳи қадимаи абрешим аст. Он қад-қади дарёи Зарафшон ноҳияҳои Айнӣ ва Панҷакентро убур намуда, то марзи Ӯзбекистон мерасад.
Тоҷикистон дар раддабандии озодии матбуот боз ду зина поён рафт
Имсол ба ҳар як иштирокчии ҶБВ қариб 50 ҳазор сомонӣ медиҳанд
Вазорати умури дохилии Русия тартиби сабти номи шаҳрвандони хориҷиро шарҳ дод
Роҳхатҳои олимпӣ дар кишварҳои Осиёи Марказӣ: кӣ аз ҳама зиёдтар дорад?
Дар радабандии ФИФА мунтахаби футзали Тоҷикистон байни 139 кишвар зинаи 34-умро ишғол кард
“Ба хотири шаффофият!”. Пули иҷораи китобҳои дарсӣ низ дигар ғайринақдӣ супорида мешавад
Собиқадорони Ҷанги Бузурги Ватанӣ дар Душанбе чанд пул мегиранд?
Ном ба ном. Зимни тағйироти кадрии имрӯза кӣ чӣ вазифа гирифт ва ё аз мансаб озод шуд?
Эмомалӣ Раҳмон барои таҷлили Рӯзи Ғалаба ба Маскав меравад
Шӯрои миллии муқовимат ба Толибон: “Бештар аз ин бо ситезаҷӯӣ ва зулм сабри мардумро наозмоед!”
Кулли ахбор
Авторизуйтесь, пожалуйста