Давоми моҳҳои январ-майи соли 2022 сатҳи таваррум дар бахши истеъмолии Тоҷикистон 3,9%-ро ташкил дод, хабар медиҳад Агентии омори кишвар. Ин нишондиҳанда 0,5 банди фоизӣ камтар нисбат ба ҳамин давраи соли гузашта аст.
Дар зарфи 5 моҳи соли ҷорӣ маҳсулоти озуқаворӣ ба андозаи 6,6% ва маҳсулоти ғайриозуқа - 2% боло рафта, хидматрасониҳои пулакӣ ба аҳолӣ - 0,7% арзон шуданд.
Аз маҳсулоти озуқаворӣ гуруҳи маҳсулоти зерин бештар гарон шуданд:
- қанд (шакар) – 9,61%;
- маснуоти нонӣ ва ярма (крупа) – 13,9%;
- сабзавот – 9,5%;
- шир – 8,8%;
- мева – 7,7%;
- моҳӣ – 5%.
Арзиши маҳсулоти ғайриозуқа ба андозаи зерин боло рафт:
- сӯзишвории дизелӣ – 8,4%;
- маводи шустушӯ – 8,2%;
- маҳсулоти доруворӣ – 8%.
Дар мавриди поин рафтани нархҳо ба хидматрасониҳои пулакӣ ба аҳолӣ дар Агентии омор инро дар навбати аввал ба арзоншавии гази моеъ ба андозаи 14,1% нисбат медиҳанд.
Нишондиҳандаи ҳадафноки таваррум барои соли 2022 аз ҷониби Бонки миллии Тоҷикистон дар сатҳи 6,0% (+/-2 б.ф.) пешбинӣ шудааст.
Дар соли 2021 низ ба ҳамин миқдор болоравии нарху таърифаҳо дар назар буд, лекин сатҳи таваррум аз рӯйи натиҷаҳои сол 8%-ро ташкил дод.
"Репатриант" – роҳи дигари муқим шудан дар Русия. Ин чӣ мақом аст ва кӣ метавонад аз он истифода кунад?
Ҳукумати Тоҷикистон ба НБО “Роғун” 5,5 млн доллар маблағи иловагӣ равона мекунад
Сафири Русия ба ВКХ даъват шуд. Тоҷикистон нигаронии худро оид ба эҷоди мушкил дар вуруди шаҳрвандонаш ба Русия иброз дошт
Роҳбари ҶДММ “Лоиқ”: “Санҷиши Агентии зиддифасод дахолат ба фаъолияти соҳибкорӣ аст”
Тоҷикистон медал намегирад? Пешгӯии таҳлилгарон оид ба Олимпиада-2024
Бо пешниҳоди Эмомалӣ Раҳмон. Шукурҷон Зуҳуров раис интихоб шуд
Даргузашти раиси пешини шаҳри Душанбе
Мансабдори пешини қирғиз, ки як санад оид ба марзи Тоҷикистону Қирғизистонро имзо карда буд, аз зиндон озод шуд
Тасарруфи беш аз 142 ҳазор сомонӣ зимни сохтмони як бинои Маркази миллии тестӣ
Додситонии Олмон панҷ зодаи Тоҷикистонро ба терроризм муттаҳам кард
Кулли ахбор
Авторизуйтесь, пожалуйста