Дар Тоҷикистон ҷиҳати саноатикунонӣ (индустриякунонӣ)-и босуръат, ки ҳадафи чоруми стратегии рушди миллӣ эълон шудааст, тамоми шароитҳо фароҳам оварда шудааст, изҳор дошт вазири саноат ва технологияҳои нави ҷумҳурӣ Шералӣ Кабир.
“Ҳамаи шароитҳо муҳайё буда, заминаи ҳадафноки мавҷудаи кишвар барои ҳарчи зудтар ва босифат ба ҳадафҳои пешбинишуда расидан имкон медиҳад”, - гуфт вазир рӯзи сешанбеи ҳамин ҳафта дар маросими анҷоми лоиҳа оид ба Барномаи сиёсати инноватсионӣ.
Роҳбари Вазорати саноат итминон медиҳад, ки тайи 5 соли ахир рушди воқеии саноати Тоҷикистон 2 баробар афзуд.
Сарфи назар аз натиҷаҳои ноилгардида, ӯ фароҳам сохтани муҳити бештар мусоиди сармоягузорӣ ва фазои соҳибкорӣ, такмили қонунгузории андоз ва беҳбуди имконоти содиротии кишварро зарур медонад.
Ба гуфтаи вазир, боз як масъалае, ки бояд роҳи ҳалли худро пайдо кунад, омодагии кадрҳо мебошад.
Вазъият бо кадрҳоро ӯ “буҳронӣ” номида, зикр кард, ки дар ҷумҳурӣ барои гирифтани маълумоти касбӣ дар соҳаи саноат имконият нест.
Шералӣ Кабир инро чунин шарҳ дод, ки дар макотиби олии Тоҷикистон факултаҳои омодакунии мутахассиисони соҳаи саноат мавҷуд нестанд.
Ӯ илова намуд, ки саноатикунонии босуръат ба рушди тамоми иқтисоди кишвар такони ҷиддӣ хоҳад бахшид.
Ёдрас мекунем, ки моҳи марти соли 2021 саноатикунонии босуръати Тоҷикистон ҳадафи чоруми ҳукумати ҷумҳурӣ эълон шуд.
Мувофиқи Стратегияи милли рушд барои давраи солҳои 2016-2030, ҳукумат ният дорад, ки то аввали даҳсолаи оянда Тоҷикистонро ба кишвари саноатӣ-аграрӣ табдил диҳад. Бо ин мақсад рушди иқтидорҳои саноатӣ ва энергетикӣ ва коҳиши вобастагии иқтисоди кишвар аз бахши кишоварзӣ ба нақша гирифта шудааст.
Мувофиқи маълумоти омори расмӣ, соли 2022 ҳиссаи саноат дар сохтори Маҷмӯи маҳсулоти дохилии Тоҷикистон 17% ва бахши кишоварзӣ - 24,6%-ро ташкил дод. Як сол пеш ин нишондиҳандаҳо мутаносибан ба 18,2% ва 24,1% баробар буданд.
Аз қитъаи замин то шаҳодатномаи ронандагӣ. Чаро ваъдаҳои мақомот ҷавононро ба хидмати ҳарбӣ дилгарм намекунад?
“Шоҳ” ва ситораҳои тобони ҷудои ҷаҳон ба Душанбе омаданд. Онҳо дар "Dushanbe Grand Slam 2024” иштирок мекунанд
Ҳаҷми истеҳсоли маҳсулоти кишоварзӣ дар Тоҷикистон зиёд шуд
БИР ва фондҳои рушди араб барои маблағгузорӣ ба неругоҳи “Роғун” 550 млн доллар ҷудо мекунанд
Марказҳои тестии Русия дигар аз муҳоҷирон имтиҳон қабул намекунанд. Акнун дар куҷо ва чӣ хел онро бояд супорид?
Нақшаи даъвати ҳарбӣ 70% иҷро шуд. “Облава” аз байн рафт?
Дар Суғд куҳансолтарин дарахтонро рӯйхат мекунанд
Тамокукашӣ ва вазни зиёдатӣ: чӣ гуна бо одатҳои бад метавон аз саратон пешгирӣ кард?
Даст ба ҷайби мардум? Ва ё чаро ҳизбҳои сиёсӣ набояд аз буҷети давлат маблағгузорӣ шаванд?
Бонки миллии Тоҷикистон ва Бонки марказии Ӯзбекистон созишномаи ҳамкорӣ ба имзо расониданд
Кулли ахбор
Авторизуйтесь, пожалуйста