Тоҷикистон ва Бонки Ҷаҳонӣ барои таъмини молии се тарҳи калидӣ ба маблағи 71 миллион доллар созишномаи грантӣ имзо карданд.
Вазорати молияи кишвар хабар медиҳад, ки созишномаҳоро Файзиддин Қаҳхорзода, вазири молияи кишвар ва намояндаи доимии Бонки Умумиҷаҳонӣ дар Тоҷикистон – ҷаноби Озан Севимлӣ имзо кардаанд.
Гуфта мешавад, ки ҳадафи асосии лоиҳаи “Рушди бахшҳои молиявӣ ва хусусӣ” таҳкими низоми суғуртаи пасандозҳо, қарздиҳии бонкӣ ба корхонаҳои хурду миёна ва мусоидат ба ҳамгироии корхонаҳои хурду миёна ба занҷирҳои арзиш мебошад.
Маблағи лоиҳаи мазкур 37,2 млн ҳуқуқи махсуси қарзгириро ташкил медиҳад, ки он ба 50,0 млн доллари амрикоӣ баробар буда, аз ҳисоби гранти Ассотсиатсияи Байналмилалии Рушд маблағгузорӣ мегардад.
Мақсади маблағгузории иловагии лоиҳаи “Минтақавии интиқоли нерӯи барқи CASA – 1000” интиқоли барқи изофа Тоҷикистон ва Қирғизистон дар фасли тобистон Афғонистон ва Покистон мебошад. Ҳамчунин, лоиҳаи мазкур ба коркарди механизмҳои савдои нерӯи барқ ва ташкили бозори минтақавии нерӯи барқ дар Осиёи Марказӣ ва Осиёи Ҷанубӣ мусоидат хоҳад кард.
Арзиши умумии маблағгузории иловагии лоиҳаи мазкур 11,0 млн доллари амрикоиро ташкил дода, аз ҷониби Ассотсиатсияи Байналмилалии Рушд ҳамчун маблағҳои грантӣ пешниҳод гардидааст.
Мақсади маблағгузории иловагии “CASA-1000 Лоиҳаи дастгирии ҷомеа” баланд бардоштани сифат ва вусъат бахшидани дастрасӣ ба хизматрасониҳои таъминоти барқ, инфрасохтори иҷтимоию иқтисодӣ ва мусоидат дар самти пурзӯр намудани иқтидори худидоракунии маҳаллӣ дар ҷамоатҳои фарогири ҳудуди лоиҳа ба ҳисоб меравад.
Арзиши умумии маблағгузории иловагии лоиҳаи зикршуда 10,0 млн доллари амрикоӣ мебошад, ки он аз ҷониби Ассотсиатсияи Байналмилалии Рушд ҳамчун маблағҳои грантӣ пешниҳод гардидааст.
Тоҷикистон дар раддабандии озодии матбуот боз ду зина поён рафт
Имсол ба ҳар як иштирокчии ҶБВ қариб 50 ҳазор сомонӣ медиҳанд
Вазорати умури дохилии Русия тартиби сабти номи шаҳрвандони хориҷиро шарҳ дод
Роҳхатҳои олимпӣ дар кишварҳои Осиёи Марказӣ: кӣ аз ҳама зиёдтар дорад?
Дар радабандии ФИФА мунтахаби футзали Тоҷикистон байни 139 кишвар зинаи 34-умро ишғол кард
“Ба хотири шаффофият!”. Пули иҷораи китобҳои дарсӣ низ дигар ғайринақдӣ супорида мешавад
Собиқадорони Ҷанги Бузурги Ватанӣ дар Душанбе чанд пул мегиранд?
Ном ба ном. Зимни тағйироти кадрии имрӯза кӣ чӣ вазифа гирифт ва ё аз мансаб озод шуд?
Эмомалӣ Раҳмон барои таҷлили Рӯзи Ғалаба ба Маскав меравад
Шӯрои миллии муқовимат ба Толибон: “Бештар аз ин бо ситезаҷӯӣ ва зулм сабри мардумро наозмоед!”
Кулли ахбор
Авторизуйтесь, пожалуйста