Анҷоми корҳои таъмиру навсозии роҳи автомобилгарди Қалаихумб - Ванҷ - сарҳади Рӯшон, ки як қисмате аз долони мултимодалии байниминтақавӣ мешавад, то охири соли ҷорӣ ба нақша гирифта шудааст.
Вазири нақлиёти Тоҷикистон Азим Иброҳим зимни нишасти матбуотии рӯзи 8 феврал дар Душанбе дар ин робита изҳор намуд, ки ин қитъаи роҳи Душанбе - Қулма қисмате аз долони байниминтақавӣ буда, Чину Тоҷикистонро бо Ӯзбекистон, Туркманистон, Эрон ва Туркия пайваст мекунад.
Ба гуфтаи вазир, масфоаи ин роҳ ба воситаи сохтмони ду нақб, долони зиддитармавӣ (галерея) ва пулҳо 16 км - аз 109 км то 93 км кӯтоҳ мешавад.
Зикр шуд, ки айни замон оид ба таъмиру навсозии қисмати боқимондаи роҳи мошингарди Душанбе - Қулма дар қаламрави ВМКБ (аз дарвозаи ноҳияи Рӯшон то сарҳади Чин) корҳои пешакӣ роҳандозӣ шудааст.
Азим Иброҳим таъкид дошт, ки корҳои лоиҳакашии қитъаи 235-километраи ин роҳ дар арафаи анҷомёбӣ буда, бо ҳукумати Чин доир ба маблағгузорӣ ба қитъаи масофааш 300 км тавофуқ ҳосил шудааст.
Ӯ илова намуд, ки роҳ аз маркази маъмурии ноҳияи Дарвоз то Душанбе ва минбаъд сарҳади Ӯзбекистон аллакай таъмиру навсозӣ шудааст.
Қобили зикр аст, ки қитъаи Қалъаихумб - Ванҷ - сарҳади Рӯшон қитъаи бештар душворгузари роҳи мошингарди Душанбе - Хоруғ - Қулма маҳсуб меёбад. Барои анҷоми корҳои таъмиру навсозии он ҳукумати Чин дар ҳаҷми 230 млн доллар грант ҷудо кард.
Ба корҳои асосии таъмиру навсозии ин қитъа ширкати China Road and Bridge Corporation (CRBC)-и Чин машғул аст.
Ёдрас мекунем, ки моҳи сентябри соли гузашта дар Душанбе машварати якуми Гурӯҳи кории сатҳи баланд оид ба долони мултимодаии Тоҷикистон – Ӯзбекистон – Туркманистон – Эрон – Туркия (ТӮТЭТ) + Чин доир гардид. Ин гурӯҳ бо тавсияи “Эъломияи Анқара” таъсис дода шуд, ки дар машварати 11-уми вазирони нақлиёти Созмони ҳамкории иқтисодӣ 2 феврали соли 2022 қабул шуд.
Путин Эмомалӣ Раҳмонро ба Маскав даъват кард. Суҳбати роҳбарони ду давлат дар пайи мушкилоти муҳоҷирони тоҷик дар Русия
Мушкили шадиди дастрасӣ ба иттилоъ. Идомаи фишор ба расонаҳо ва рукуди озодии баён
Сафири Британияи Кабир дар Тоҷикистон иваз шуд
Тоҷикистониён кадом расонаҳоро бештар пайгирӣ мекунанд?
Маоши кам сабаби тарки соҳа кардани мутахассисон дар Агентии беҳдошти замин ва обёрӣ шудааст
Дар вилояти Курск кор дар таксиро барои муҳоҷирон манъ карданд
Дабири Шӯрои амнияти Қирғизистон “эҳтимоли табодули қитъаҳо” ҳангоми ҳалли баҳси марзӣ бо Тоҷикистонро истисно надонист
Интиқом барои террор дар “Крокус” ё чораҳои зиддитеррористӣ? Омили аслии бархӯрди шадиди Русия бо шаҳрвандони Тоҷикистон чист?
Сафири Амрико аз водии Рашт боздид кард
Вазири корҳои хориҷии Тоҷикистон сафири ИМА-ро ба ҳузур пазируфт
Кулли ахбор
Авторизуйтесь, пожалуйста