Комиссияи муштараки Тоҷикистону Ӯзбекистон оид ба таҳқиқи сабабҳои ба садама дучор шудани қатораи самти Душанбе-Хуҷанд ба чунин хулосае расид, ки садама бо гуноҳи роҳиоҳанчиёни ӯзбек рух додааст.
Аз КВД «Роҳи оҳани Тоҷикистон» ба ОИ «Азия-Плюс» дар ин робита хабар доданд, ки роҳиоҳанчиёни ӯзбек эътироф намудаанд, ки саривақт ҳамтоҳои тоҷики худро дар бораи баргузории корҳои таъмир дар ин қитъаи роҳ огоҳ накардаанд.
Ба иттилои манбаъ, Ӯзбекистон пардохти тамоми хароҷоти марбут ба таъмири қатораи Тоҷикистонро ба дӯш гирифтааст. Айни замон ҷонибҳо масъалаи ҷудо кардани ҷубронпулӣ ба мусофирони осебдидаи қатораро баррасӣ доранд.
Ёдрас мекунем, ки соати 09:40 дақиқаи рӯзи 10-уми октябр қатораи масири Душанбе-Хуҷанд дар қаламрави Ӯзбекистон ба садама дучор шуд. Панҷ вагони ин қатора дар ноҳияи Ғаллаарали вилояти Ҷиззахи Ӯзбекистон аз роҳи оҳан берун рафта, сарнагун шуда буд. Шоми дирӯз бо як ҳайати қатора мусофирони қатораи мавриди садама дучоргардида ба ноҳияи Спитамени вилояти Суғд мунтақил гардидаанд, ки 33 нафарашон ҷароҳатбардоштагон будаанд.
Дар корхона зикр крда буданд, ки ин қатора ҳамчун хатсайри доимӣ амал накарда, бо дархости Вазорати мудофиа ба роҳ баромад ва ду рӯз қабл аз сафар бо наваскарону афсарон роҳиоҳанчиёни тоҷик ҳамтоҳои ӯзбеки худро дар бораи замони убури қатора дар қаламрави Ӯзбекистон тавассути телефонограмма огаҳ карда будаанд.
Ҳафтае пеш бо ҳамин тарз тавассути қаламрави Ӯзбекистон қатора бо навасакарон ба шимоли ҷумҳурӣ сафарбар шуда, то нуқтаи таъинот бидуни мушкилие расид, аммо ин дафъа Тоҷикистонро дар бораи корҳои таъмир огаҳ накардаанд, ҳарчанд ҷониби Ӯзбекистон аз ин огоҳ карда шуда будааст.
“Бе зарурат ба Русия сафар накунед”. Шарҳи ВКХ Тоҷикистон оид ба банд мондани садҳо муҳоҷири тоҷик дар фурудгоҳҳои Русия
"Репатриант" – роҳи дигари муқим шудан дар Русия. Ин чӣ мақом аст ва кӣ метавонад аз он истифода кунад?
Ҳукумати Тоҷикистон ба НБО “Роғун” 5,5 млн доллар маблағи иловагӣ равона мекунад
Сафири Русия ба ВКХ даъват шуд. Тоҷикистон нигаронии худро оид ба эҷоди мушкил дар вуруди шаҳрвандонаш ба Русия иброз дошт
Роҳбари ҶДММ “Лоиқ”: “Санҷиши Агентии зиддифасод дахолат ба фаъолияти соҳибкорӣ аст”
Тоҷикистон медал намегирад? Пешгӯии таҳлилгарон оид ба Олимпиада-2024
Бо пешниҳоди Эмомалӣ Раҳмон. Шукурҷон Зуҳуров раис интихоб шуд
Даргузашти раиси пешини шаҳри Душанбе
Мансабдори пешини қирғиз, ки як санад оид ба марзи Тоҷикистону Қирғизистонро имзо карда буд, аз зиндон озод шуд
Тасарруфи беш аз 142 ҳазор сомонӣ зимни сохтмони як бинои Маркази миллии тестӣ
Кулли ахбор
Авторизуйтесь, пожалуйста