Оилаи Ҳукумовҳо, ки бо гуноҳи писари 16-солаи ин хонадон дар пойтахт як садамаи фоҷебаор ба вуқӯъ пайваст, ба наздикони ҷабрдидагон аз ин садама кумак кардаанд. Шасхони аз ин садама зиндамонда чун пешина дар ҳолати вазнин дар Маркази миллии тиббӣ қарор доранд.
Шокира Маҳкамова, модари яке аз ҷабрдидагон ба ОИ «Азия-Плюс» дар ин робита изҳор намуд, ки аз оилаи Ҳукумовҳо онҳо 800 доллари ИМА маблағ гирифтаанд. «Нахуст ба мо 200, сипас 400 ва ду рӯз қабл барои ҷарроҳии писарам боз 200 доллари ИМА доданд», - гуфт ӯ ва илова намуд, ки бо назардошти бад шудани вазъи солимии писараш, ӯро дубора ба шуъбаи эҳёгарӣ (реаниматсия) гузаронидаанд.
Ба қавли ӯ, ба оилаҳои ҷабрдидагон Азиза Рӯзиева ва Мадина Аҳмедова ҳам Ҳукумовҳо ҳамин миқдор маблағ кумак кардаанд, вале шахсоне, ки маблағи пулиро супурдаанд, аз ифшои ному насбашон худдорӣ кардаанд.
Ёдрас мекунем, ки бар асари садамаи нақлиёти фоҷеабор, ки шоми рӯзи 9-уми октябр дар хиёбони Рӯдакии пойтахт рух дод, се нафар ба ҳалокат расида, боз се тан бо ҷароҳатҳои вазнини ҷисмонӣ ба бемористон мунтақил шуда буданд.
Дар рух додани ин садама Расули Амонулло, писари 16-солаи раиси КВД «Роҳи оҳани Тоҷикистон» Амонулло Ҳукумов гумонбар дониста мешавад. То ҳанӯз дар бораи макони будубоши гунаҳкори садама маълумоти мухталиф дода мешавад.
“Бе зарурат ба Русия сафар накунед”. Шарҳи ВКХ Тоҷикистон оид ба банд мондани садҳо муҳоҷири тоҷик дар фурудгоҳҳои Русия
"Репатриант" – роҳи дигари муқим шудан дар Русия. Ин чӣ мақом аст ва кӣ метавонад аз он истифода кунад?
Ҳукумати Тоҷикистон ба НБО “Роғун” 5,5 млн доллар маблағи иловагӣ равона мекунад
Сафири Русия ба ВКХ даъват шуд. Тоҷикистон нигаронии худро оид ба эҷоди мушкил дар вуруди шаҳрвандонаш ба Русия иброз дошт
Роҳбари ҶДММ “Лоиқ”: “Санҷиши Агентии зиддифасод дахолат ба фаъолияти соҳибкорӣ аст”
Тоҷикистон медал намегирад? Пешгӯии таҳлилгарон оид ба Олимпиада-2024
Бо пешниҳоди Эмомалӣ Раҳмон. Шукурҷон Зуҳуров раис интихоб шуд
Даргузашти раиси пешини шаҳри Душанбе
Мансабдори пешини қирғиз, ки як санад оид ба марзи Тоҷикистону Қирғизистонро имзо карда буд, аз зиндон озод шуд
Тасарруфи беш аз 142 ҳазор сомонӣ зимни сохтмони як бинои Маркази миллии тестӣ
Кулли ахбор
Авторизуйтесь, пожалуйста