Рӯзи сешанбеи ҳамин ҳафта дар минтақаи шимоли ҷумҳурӣ ду ҳодиса фоҷеабор ба вуқӯъ пайваст.
Бино ба маълумоти Раёсати ВКД Тоҷикистон дар вилояти Суғд, сокини 23-солаи деҳаи Устунги ноҳияи Кӯҳистони Мастчоҳ К.В. аз ҳисси адовату душманӣ ба манзили оилаи Р.Г.-и 24-сола ва зани 22-солаи ӯ Д.Г. ворид шуда, бо милтиқи шикорӣ ҳарду онҳоро мепарронад, ки онҳо дар ҷойи ҳодиса ба ҳалокат расидаанд.
Гумонбаршуда дар содир намудани ин ҷиноят боздошт шуда, нисбати ӯ мутобиқи моддаи 104, қ. 2-и Кодекси ҷиноии ҶТ (Одамкушӣ) парвандаи ҷиноӣ боз шудааст.
Тибқи маълумоти маркази матбуоти ВКД Тоҷикистон, дар натиҷаи гузаронидани чорабиниҳои оперативӣ-ҷустуҷӯӣ аз ҷониби кормандони милитсия марди 60-солаи сокини ноҳияи Ғончӣ бо гумони қасдан расонидани зарари вазнин ба саломатӣ дастгир гардид.
Муайян карда шудааст, ки гумонбаршуда санаи 18.08.с.2015, тахминан соати 16:00-дақиқа дар ҳавлии истиқоматиаш аз сабаби муноқишаи ба миён омада, бо келинаш, зани 31-солаи истиқоматкунандаи ҳамон ҷо, ҷангу ҷанҷол намуда, бо корди хоҷагии дар дасташ буда, се маротиба ба қафаси сина ва ду маротиба ба дасти чапаш задааст. Дар натиҷа, зани ҷабрдида, ҷароҳатҳои вазнини ҷисмонӣ бардошта, дар беморхона бистарӣ гаштааст. Нисбати далели мазкур парвандаи ҷиноятӣ оғоз гардида, тафтишот идома дорад.
Бино ба маълумоти Раёсати ВКД Тоҷикистон дар вилояти Суғд, дар зарфи 6 моҳи соли равон дар қаламрави шаҳру навоҳии минтақаи шимоли кишвар 22 ҳодисаи одамкушӣ (6 моҳи соли 2014 - 23 ҳодиса) ба қайд гирифта шудааст.
Путин Эмомалӣ Раҳмонро ба Маскав даъват кард. Суҳбати роҳбарони ду давлат дар пайи мушкилоти муҳоҷирони тоҷик дар Русия
Мушкили шадиди дастрасӣ ба иттилоъ. Идомаи фишор ба расонаҳо ва рукуди озодии баён
Сафири Британияи Кабир дар Тоҷикистон иваз шуд
Тоҷикистониён кадом расонаҳоро бештар пайгирӣ мекунанд?
Маоши кам сабаби тарки соҳа кардани мутахассисон дар Агентии беҳдошти замин ва обёрӣ шудааст
Дар вилояти Курск кор дар таксиро барои муҳоҷирон манъ карданд
Дабири Шӯрои амнияти Қирғизистон “эҳтимоли табодули қитъаҳо” ҳангоми ҳалли баҳси марзӣ бо Тоҷикистонро истисно надонист
Интиқом барои террор дар “Крокус” ё чораҳои зиддитеррористӣ? Омили аслии бархӯрди шадиди Русия бо шаҳрвандони Тоҷикистон чист?
Сафири Амрико аз водии Рашт боздид кард
Вазири корҳои хориҷии Тоҷикистон сафири ИМА-ро ба ҳузур пазируфт
Кулли ахбор
Авторизуйтесь, пожалуйста