Бар асари заҳролудшавӣ як сокини Кӯлоб фавтида ва панҷ тани дигар таҳти назорати пизишкон қарор гирифтаанд. Амиралӣ Раҷабзода, сардори Раёсати тандурустии минтақаи Кӯлоб, 18 июл ба Радиои Озодӣ гуфтааси, ин ҳодиса баъд аз зуҳри якшанбе иттифоқ афтодааст.
Вай илова кардааст, ки "баъди хӯроки чошт шаш узви хонаводаи Шариф Таваккалов, сокини деҳаи Навободи Кӯлоб, заҳролуд шуда ва ҳамаашон ба бемористон оварда шуданд. Дар натиҷа, бар асари заҳролудшавӣ падари хонавода – Шариф Таваккалов фавтида ва панҷ узви дигари хонавода – Саодат Маҳмудова, Зулайхо Маҳмудова, Маҳина Тавакаллова, Хайриддин Тавакаллов ва Ҳуснорои Шариф – таҳти муроқибати пизишкон қарор доранд."
Раҷабзода изҳор намудааст, ки вазъи Ҳуснорои Шариф ва Зулайхо Маҳмудова, набераҳои хонавода, низ хеле вазнин буд ва баъд аз ёрии табибон ҳолашон нисбат ба дирӯз беҳтар шудааст. Ҳарчанд пизишкон мегӯянд, ин хонавода дар пайи ғизои чошт заҳролуд шуда ва ба бемористон афтодаанд, аммо то ҳол сабаби дақиқи заҳролудшавии онҳо мушаххас нашудааст.
Гуфта мешавад, кормандони маркази беҳдоштӣ ва вогиршиносии минтақа дар ҳамкорӣ бо мутахассисони Вазорати тандурустӣ ва ҳифзи иҷтимоии аҳолӣ ангезаҳои заҳролудшавии хонаводаи Шариф Таваккаловро мушаххас мекунанд.
КДАМ Тоҷикистон гуфт, чораҳои амниятиро дар сарҳади давлатӣ пурзӯр мекунад
Муҳлати ҳабси се узви оилаи Исломовҳо ва як шаҳрванди Қирғизистон низ тамдид гардид
Сангу чуб дар баробари танку туп. Эътирозгарон ба Толибон: посухи эътироз гулӯла нест!
Бонки осиёии рушд ба гумони ғолиб, дар маблағгузории сохтмони неругоҳи “Роғун” саҳм мегузорад
Имкони охирини муштзанҳои тоҷик барои дарёфти роҳхат ба Олимпиадаи Фаронса
“Се занро, аз ҷумла як ноболиғро ба никоҳаш даровардааст”. Боздошти як “қорӣ” бо гумони қаллобӣ
Миҷгона Маҳмадалиева аз Тоҷикистон дар ҳайати Кумитаи иҷроияи КФО. Бори нахуст дар Осиёи Марказӣ
Додгоҳи Маскав муҳлати ҳабси боз 4 гумонбари ҳамла ба “Крокус”-ро тамдид кард
Бар асари садама дар Ашт се нафар ба ҳалокат расиданд
Як додраси тоҷик ба гирифтани қариб 129 ҳазор сомонӣ пора муттаҳам дониста мешавад
Кулли ахбор
Авторизуйтесь, пожалуйста