Мақомоти ҳифзи ҳуқуқ далели тирпаррониро шоми 17-уми ноябр дар шаҳри Леваканд (собиқ Сарбанд) рад мекунанд ва мегӯянд, маълумоти нашркардаи чанде аз ВАО дар ин хусус асоси воқеӣ надорад.
Дар қисми навбатдории РВКД-и вилояти Хатлон ба “Азия-Плюс” хабар доданд, ки маълумот дар бораи ҳамаи ҳодисаҳои фавқулода дар вилоят маҳз ба онҳо мерасад, аммо оид ба тирпарронӣ дар Леваканд ягон иттилоот ё маълумоте нарасидааст.
“Маъмулан, баъд аз расидани чунин маълумот, гурӯҳи фаврӣ-тафтишотии кормандони милитсия бетаъхир ба ҷойи ҳодиса сафарбар мешавад, лекин он шом ягон гурӯҳ ба Леваканд нарафтааст”, - қайд карданд дар қисми навбатдорӣ.
Дар дастгоҳи раиси шаҳри Леваканд низ маълумотро оид ба тирпарронӣ дар шаҳр рад карданд.
“Шаҳри мо начандон калон буда, аз рӯйдодҳо дарҳол ҳама огоҳ мешаванд, хусусан, дар шаҳрдорӣ, аммо ягон далели типарронӣ вуҷуд надошт”, - қотеъона қайд карданд дар шаҳрдории Леваканд.
Дар ҳамин ҳол, бино ба маълумоти Радиои Озодӣ, шоми 17-уми ноябр дар назди хонаи тоҷири маъруф Илҳом Ҳотамов (бо номҳои Илҳоми Ботурободӣ ё "Илҳом-Командир" низ маъруф аст) дар Леваканд байни одамони ӯ ва гурӯҳе аз номи моликони бозори “Ҳоҷӣ Шариф”-и шаҳри Бохтар тирпарронӣ сурат гирифтааст.
Бозор ба оилаи бонуфуз дар ҷануби Тоҷикистон – Соҳибовҳо тааллуқ дорад, ки ду нафари онҳо – Зоир ва Шамсулло Соҳибовҳо ҳамсарони духтарони президенти Тоҷикистон Эмомалӣ Раҳмон мебошанд.
Илҳом-командир собиқ фармондеҳи саҳроии Фронти халқӣ, феълан тоҷир аст, ки ба содироти пахта тариқи ширкати «Тамер ИНБ» машғул аст.
"Гурӯҳи аввал ба хонаи Ҳотамов Илҳом Шарбатович рафтаанд ва миёни онҳо баҳс сар задааст. Баъдан баҳс то занозанӣ ва тирпарронӣ кашида мешавад," - гуфтааст як манбаи Радио Озодӣ. Ба қавли ӯ, баҳс ба сари замин ва қарз будааст.
Дар Бемористони марказии шаҳри Леваканд ба Радиои Озодӣ гуфтаанд, он шом ягон нафари маҷруҳро ба беморхонаи онҳо наовардаанд.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Додгоҳи Маскав муҳлати ҳабси боз 4 гумонбари ҳамла ба “Крокус”-ро тамдид кард
Бар асари садама дар Ашт се нафар ба ҳалокат расиданд
Як додраси тоҷик ба гирифтани қариб 129 ҳазор сомонӣ пора муттаҳам дониста мешавад
Нақшаи даъвати баҳорӣ 90% иҷро шуд. Кадом вилоятҳо нақшаро комил карданд?
Кристалина Георгиева: “Таассуротамон аз Тоҷикистон хеле мусбат аст”
Шаби эҷодии Ҳошим Гадо дар Душанбе бидуни ҳузури худаш гузашт
Нархи сӯзишвории дизелӣ дар Осиёи Марказӣ ва кишварҳои собиқи Иттиҳоди Шӯравӣ
Вазири корҳои хориҷии Чин ба Тоҷикистон меояд
Тамдиди муҳлати ҳабси чаҳор гумонбари асосии ҳамлаи террористӣ ба “Крокус”
Рӯзҳои истироҳат дар Тоҷикистон боришоти пуршиддат дар назар аст
Кулли ахбор
Авторизуйтесь, пожалуйста