Дар додгоҳи ноҳияи Бохтари минтақаи шимоли ҷумҳурӣи баррасии парвандаи ҷиноии хизматчии ҳарбии пойгоҳи низомии 201-уми Русия оғоз гардид.
Гордеев дар содир намудани ҷинояти дар моддаи 212, қисми 4-и КҶ ҶТ пешбинишуда (Вайрон кардани қоидаҳои ҳаракатӣ роҳ ва истифодаи воситаҳои нақлиёт, ки аз беэҳтиётӣ боиси марги ду ё бештар шахсон гаштааст) айбдор карда мешавад.
Дар таърихи 21-уми январи соли 2011 Игор Гордеев ҳангоми ҳаракат бо автомобили тамғаи «КАМАЗ»дар ҳайати қатори мошинҳо аз Кӯлоб ба самти Душанбе ба маҳалли қароргоҳ дар километри 26-уми роҳи мошингарди Қӯрғонтеппа-Душанбе, дар қаламрави рустои Эргаши ҷамоати «Бӯстон Қалъа»-и ноҳияи Бохтар бидуни сабабе ба самти муқобили ҳаракат баромада, ба автомашинаи тамғаи «Daewoo Sielo» бармехӯрад. Бар асари ин бархӯрд мусофирони автомашинаи сабукрав Шозодамо Юсуфоваи 64-сола, Гулнигор Абдухолиқоваи 25-сола ва Омина Эшқувватоваи 2-сола дар маҳалли ҳодиса ба ҳалокат расида буданд.
Дар ҷараёни ҷаласаи додгоҳӣ хизматчии ҳарбӣ пурра ба гуноҳи худ иқрор шуд. «Ман амали содиркрдаамро дарк карда, оз он пушаймонам», - гуфт айбдоршаванда.
Ба гуфтаи адвокат Сергей Романов, ки аз манфиатҳои ҷабрдида Абдулазиз Эшқувватов ҳимоя мекунад, «дар ҷараёни ҷаласаи минбаъдаи ба санаи 7-уми сентябр таъиншуда шоҳидони ҷониби ҷабрдида ва намояндагони пойгоҳи 201-уми низомии Русия бозпурсӣ карда мешаванд». Дар шарҳи масъалаи ба гуноҳи худ иқрор шудани Гордеев, адвокат қайд кард, ки он ба Қонуни чанде қабл қабулшудаи ҶТ «Дар бораи афв» марбут аст, зеро мутобиқи он, хизматчии ҳарбӣ мавриди афв қарор мегирад.
Дар ин ҳодиса ҷабрдидаАбдулазиз Эшқувватов модару ҳамсар ва духтарчаашро талаф дод.
“Шоҳ” ва ситораҳои тобони ҷудои ҷаҳон ба Душанбе омаданд. Онҳо дар "Dushanbe Grand Slam 2024” иштирок мекунанд
Ҳаҷми истеҳсоли маҳсулоти кишоварзӣ дар Тоҷикистон зиёд шуд
БИР ва фондҳои рушди араб барои маблағгузорӣ ба неругоҳи “Роғун” 550 млн доллар ҷудо мекунанд
Марказҳои тестии Русия дигар аз муҳоҷирон имтиҳон қабул намекунанд. Акнун дар куҷо ва чӣ хел онро бояд супорид?
Нақшаи даъвати ҳарбӣ 70% иҷро шуд. “Облава” аз байн рафт?
Дар Суғд куҳансолтарин дарахтонро рӯйхат мекунанд
Тамокукашӣ ва вазни зиёдатӣ: чӣ гуна бо одатҳои бад метавон аз саратон пешгирӣ кард?
Даст ба ҷайби мардум? Ва ё чаро ҳизбҳои сиёсӣ набояд аз буҷети давлат маблағгузорӣ шаванд?
Бонки миллии Тоҷикистон ва Бонки марказии Ӯзбекистон созишномаи ҳамкорӣ ба имзо расониданд
Ҳукми қатли Бобаки Занҷонӣ бекор шуд. Ӯ кист ва бо Тоҷикистон чӣ иртибот дорад?
Кулли ахбор
Авторизуйтесь, пожалуйста