Кормандони Агентии назорати давлатии молиявӣ ва мубориза бо коррупсияи ҷумҳурӣ дурустии истифодаи қонуни афв ба муносибати 20-уминсолгарди ҷашни Истиқлолро мавриди санҷиш қарор дода, дар шаҳри Душанбе 10 далели ғайриқонунӣ озод шудани маҳбусон аз зиндонро ошкор намуданд.
Зимни нишасти хабарӣ директори Агентии мазкур Фаттоҳ Саидов изҳор кард, ки инҳо асосан маҳбусоне мебошанд, ки барои муомилоти ғайриқонунии маводи мухаддир маҳкум шудаанд.
Сардори Раёсати тафтишоти агентӣ Ҷамолҷон Муборов дар робита ба ин масъала гуфт, дар маҷмӯъ бо сабаби беморӣ 135 нафар афв шуда, аксари онҳо пас аз озодӣ дарҳол қаламрави кишврро тарк кардаанд, аз ин рӯ, тахмин кардан дар бораи мавҷуд будани маҳбусоне миёни онҳо, ки ғайриқонунӣ афв шудаанд, душвор аст. «Мо 36 нафар маҳбусони бо сабаби беморӣ афвшударо санҷида, зимни ташхиси такрорӣ ошкор гардид, ки 10 нафари онҳо комилан солим буда, бо маълумотномаҳои сохтаву бардурӯғ аз маҳбас озод шудаанд. Онҳо ба маҳбас барои идомаи адои муҳлати ҷазо баргардонида шуданд», - гуфт вай.
Ғайр аз ин, идома дод Муборов, пас аз ин далел комиссия маҳбусони бемореро санҷид, ки мавриди афв қарор нагирифтаанд ва муайян кард, ки 9 нафари онҳо дарвоқеъ ҳам беморанду бо сабабҳои номаълум афв нашудаанд. «Пас аз дахолати мо онҳо озод гардиданд», - иброз дошт ӯ.
Зикр гардид, ки аз рӯйи ду ҳолат нисбат ба шаш нафар парвандаи ҷиноӣ боз гардид, ки панҷ нафар аз онҳо кормандони тиббӣ буда, дар бораи вазъи саломатии маҳбусон маълумотномаҳои қалбакӣ додаанд. Ғайр аз ин, прокурор оид ба назорати иҷрои қонунҳо дар муассисаҳои ислоҳотии шаҳри Душанбе ва ноҳияҳои тобеи марказ аз мансаб сабукдӯш шуд.
"Репатриант" – роҳи дигари муқим шудан дар Русия. Ин чӣ мақом аст ва кӣ метавонад аз он истифода кунад?
Ҳукумати Тоҷикистон ба НБО “Роғун” 5,5 млн доллар маблағи иловагӣ равона мекунад
Сафири Русия ба ВКХ даъват шуд. Тоҷикистон нигаронии худро оид ба эҷоди мушкил дар вуруди шаҳрвандонаш ба Русия иброз дошт
Роҳбари ҶДММ “Лоиқ”: “Санҷиши Агентии зиддифасод дахолат ба фаъолияти соҳибкорӣ аст”
Тоҷикистон медал намегирад? Пешгӯии таҳлилгарон оид ба Олимпиада-2024
Бо пешниҳоди Эмомалӣ Раҳмон. Шукурҷон Зуҳуров раис интихоб шуд
Даргузашти раиси пешини шаҳри Душанбе
Мансабдори пешини қирғиз, ки як санад оид ба марзи Тоҷикистону Қирғизистонро имзо карда буд, аз зиндон озод шуд
Тасарруфи беш аз 142 ҳазор сомонӣ зимни сохтмони як бинои Маркази миллии тестӣ
Додситонии Олмон панҷ зодаи Тоҷикистонро ба терроризм муттаҳам кард
Кулли ахбор
Авторизуйтесь, пожалуйста