Гумонбари қатли Холмӯъмин Сафаров аз баёнотҳое, ки қаблан дар содир намудани ин ҷиноят дода буд, даст кашид. Ӯ дар қатли ҳамсари хоҳари президенти ҷумҳурӣ гумонбар дониста мешавад.
Тавре ба ОИ «Азия-Плюс» адвокатҳои гумонбаршуда – Д.К. хабар доданд, чанде қабл зимни баргузории амали тафтишотӣ дар қаламрави бинои тавқифгоҳи Раёсати ВКД дар шаҳри Душанбе ӯ изҳор кардааст, ки гуноҳ надорад.
Адвокатҳо мегӯянд, сабаби иқрор шудани Д.К. дар содир намудани ҷинояти мазкур истифодаи шиканҷа нисбат ба ӯ аз рӯзи нахусти боздошт дар бинои Раёсати кофтуови ҷиноии ВКД ҶТ будааст.
Ҳангоми баргузории амали тафтишотӣ Д.К. дар бораи аз ҷониби кӣ ва бо кадом тарз истифода шудани методҳои ғайриқонунии тафтишот маълумоти муфассал додааст. Ба эътиқоди ӯ, дар истифодаи шиканҷа нисбат ба ӯ мансабдорони воломақоми ВКД ва КДАМ-и ҷумҳурӣ даст доранд.
Адвокатҳо ҳамчунин хабар доданд, ки гумонбаршуда то ҳол дар тавқифгоҳи муваққатии Раёсати ВКД ҶТ нигоҳдорӣ мешавад, ки ин дағалона вайрон кардани меъёрҳои қонунгузории мурофиавии ҷиноятии ҶТ мебошад. Кормандони хадамоти фаврии ВКД ҳамеша дар наздаш буда, ба ӯ фишори рӯҳӣ оварда мешавад ва нисбати наздикону хешовандонаш таҳдидҳо садо медиҳанд.
«Мо чунин мешуморем, ки ӯро дидаву дониста ба тавқифгоҳи муваққатии Сарраёсати иҷрои ҷазои Вазорати адлия интиқол намедиҳанд, зеро дар ин муассиса кормандони хадамоти фаврӣ ба чунин дастрасии озод ба зерҳимояи мо имкон надоранд. Мо ҳамчунин аз созмонҳои ҳомии ҳуқуқ даъват мекунем, ки аз ин қазия худро канор нагиранд», - изҳор доштанд адвокатҳои гумонбаршуда.
Ёдрас мекунем, ки шавҳари хоҳари президенти Тоҷикистон – директори КВД «Хоҷагии ҷангал ва шикор»-и Кумитаи ҳифзи муҳити зист Холмӯъмин Сафарови 57-сола рӯзи 13-уми июни соли равон каме дуртар аз манзили зисташ бо истифода аз силоҳи оташфишон ба қатл расонида шуда буд.
Чанд рӯз қабл Созмони ҳомии ҳуқуқи Афви Байнулмилал (Amnesty International) нисбати ин қазия изҳори нигаронӣ намуда буд.
Аз Сайидиброҳим Раисӣ то Рамон дел Ферро. Президентҳое, ки дар садамаи ҳавоӣ ҷон бохтаанд
Рӯзи 3 юми июн сафкашии сайёраҳоро метавон мушоҳида кард. Ин чист ва онро чӣ гунаву дар куҷо метавон дид?
Размикорони тоҷики ММА Наимов ва Ғафуров 22 июн ба октагони UFC FIGHT NIGHT мебароянд
"Душман"-и Ғарбу ходими содиқи низом: Ҳусейн Амирабдуллоҳиён кӣ буд?
Стратегҳои тоҷик ҳарчи бештар истеҳсоли нони худиро тавсия медиҳанд
“Осори тир нест”. Мақомоти Эрон натиҷаи аввалияи таҳқиқи суқути чархболи Иброҳим Раисиро эълон кард
Вазорати дифоъ: Нақшаи даъвати ҳарбӣ 100 дарсад иҷро шуд
Чаро Самандар Муродов дар UFC муҳориба намекунад?
Таваллуди зиёд – баҳонае барои рӯйпӯш кардани мушкил? Чаро дар Суғд нақшаи бунёди кӯдакистон иҷро нашуд?
Пешниҳоди Рустами Эмомалӣ. Аввалин Рӯзи ҷаҳонии футбол дар Тоҷикистон чӣ гуна баргузор мешавад?
Кулли ахбор
Авторизуйтесь, пожалуйста