Рӯзи 27 март дар шаҳри Санкт-Петербурги Русия шаҳрванди Тоҷикистонро гӯиё барои “сафедкунии терроризм” боздошт карданд. Нисбати ӯ мутобиқи моддаи 205.2, қисми 2-и Кодекси ҷиноии Русия парвандаи ҷиноятӣ боз шуда, айни замон масъалаи ба ҳабс гирифтани ӯ мавриди ҳаллу фасл қарор дорад. Дар ин бора Раёсати Кумитаи тафтишот дар Санкт-Петербург хабар медиҳад.
Бино ба маълумоти Astra, айбдоршаванда Баҳодур Зуҳурови 26-сола аст. Ба ӯ ҷазои то 5 соли зиндон таҳдид мекунад. Дар навори нашршудаи Кумитаи тафтишот ӯ маъзарат хоста, мегӯяд, ки “ин кор дигар такрор намешавад”.
Тибқи фарзияи мақомоти тафтишот, ӯ дар як замимаи гуфтугӯии шабакаи Телеграм навори ҳамла ба “Крокус”-ро нашр кардааст, ки дар он аломатҳои сафедкунии терроризм дида мешаванд. Маълум нест, ки кадомашро маҳз Зуҳуров нкавиштааст ва воқеъан ҳам ӯ нашр кардааст ё не.
Мувофиқи айбнома тибқи моддаи 205, қисми 2-и Кодекси ҷиноии Русия, ба ӯ ҷазоиаз 5 то 7 соли зиндон таҳдид мекунад.
Қаблан маълум шуд, ки шаҳрванди Тоҷикистон Аҳмад Файзуллохонзодаро аз Русия хориҷ мекунанд. Гӯиё ӯ узви гурӯҳе дар шабакаи Телеграм будааст, ки тариқи он гумонбарони ҳамла ба “Крокус Сити Холл” ба анҷоми амали террористӣ ҷалб шудаанд.
Ӯ ҳамчунин ба маблағи 5 ҳазор рубл ҷарима шуда, ба маркази нигаҳдории муваққатии шаҳрвандони хориҷӣ бурда шудааст. Дар ин бора рӯзи 27 март роҳбари хадамоти матбуоти додгоҳҳои Петербург Даря Лебедева хабар додааст.
Ба гуфтаи ӯ, Файзуллохонзода барои нақзи қонунгузории муҳоҷират (қ.2, модд. 18.8 КҲМ ФР) ба ҷавобгарӣ кашида шудааст. Нимаи моҳи январ ӯ ба Русия омада, патенти кор мегирад, лекин худро на аз рӯи суроғаи маҳалли зисти воқеӣ ба қайд мегузорад. Аммо, таъкид мекунад Лебедева, кормандони сохторҳои қудратӣ ба ин кор начандон таваҷҷуҳ доштанд.
“Файзуллохонзода дар Телеграм узви гурӯҳе буд, ки дар он намояндагони созмони террористии ДОИШ шахсонро барои анҷоми амали террористӣ дар Русия ҷалб мекунанд. Афроде, ки рӯзи 22-юми март дар “Крокус Сити Холл” амали террористӣ содир намуданд, ба ҳамин гурӯҳи интернетӣ ба ин кор ҷалб шуда буданд”, - менависад Даря Лебедева.
"Репатриант" – роҳи дигари муқим шудан дар Русия. Ин чӣ мақом аст ва кӣ метавонад аз он истифода кунад?
Ҳукумати Тоҷикистон ба НБО “Роғун” 5,5 млн доллар маблағи иловагӣ равона мекунад
Сафири Русия ба ВКХ даъват шуд. Тоҷикистон нигаронии худро оид ба эҷоди мушкил дар вуруди шаҳрвандонаш ба Русия иброз дошт
Роҳбари ҶДММ “Лоиқ”: “Санҷиши Агентии зиддифасод дахолат ба фаъолияти соҳибкорӣ аст”
Тоҷикистон медал намегирад? Пешгӯии таҳлилгарон оид ба Олимпиада-2024
Бо пешниҳоди Эмомалӣ Раҳмон. Шукурҷон Зуҳуров раис интихоб шуд
Даргузашти раиси пешини шаҳри Душанбе
Мансабдори пешини қирғиз, ки як санад оид ба марзи Тоҷикистону Қирғизистонро имзо карда буд, аз зиндон озод шуд
Тасарруфи беш аз 142 ҳазор сомонӣ зимни сохтмони як бинои Маркази миллии тестӣ
Додситонии Олмон панҷ зодаи Тоҷикистонро ба терроризм муттаҳам кард
Кулли ахбор
Авторизуйтесь, пожалуйста