Душанбе. 12 апрел. «Азия-Плюс» - | Дар бинои марказии ҳукумати Точикистон 11 апрел машварати дуввуми сиёсӣ миёни Ҷумҳурии Тоҷикистон ва Иёлоти Муттаҳидаи Амрико баргузор гашт.
Тавре ба «АП» дар департаменти иттилоотии Вазорати корҳои хориҷаи кишвар хабар доданд, ҳайати расмии Тоҷикистонро дар машварат вазири умури хориҷа Ҳамрохон Зарифӣ раҳбарӣ кард. Дар ҳайат инчунин намояндагони мақомоти дахлдори давлат шомил буданд.
Ҳайати расмии ИМА ро муовини котиби давлатии Амрико Роберт Блейк раҳбарӣ кард. Сафири ИМА дар ҶТ, намояндагони вазорати мудофиаи ИМА, USAID ва дигарон ба хайати Амрико шомил буданд.
Зимни гуфтушунид масъалаҳои ҳамкориҳои дуҷониба, иқтисод ва савдо, ислоҳоти бахши хоҷагии қишлоқ, таъмини фазои мусоиди сармоягузорӣ, гидроэнергетика, вазъи ҳуқуқи инсон, аз ҷумла озодии ВАО, дин ва мазҳаб, вазъи Афғонистон, амнияти марзӣ, мубориза бо маводи мухаддар ва тероризми байналхалқӣ мавриди баррасӣ қарор гирифтанд.
«Масъалаи рушди инфрасохтор ва лоиҳаҳо дар соҳаи нақлиёт, инчунин лоиҳаҳои энергетикие, ки муштарак бо дигар давлатҳо таҳия шудаанд, алалхусус лоиҳаи CASA – 1000 баррасӣ шуданд», хабар доданд дар Вазорати умури хориҷа.
«Ҷонибҳо зикр намуданд, ки рушди муносибати дарозмуддат, пойдор ва дӯстона миёни Тоҷикистону ИМА ба манфиати ҳар ду давлат равона шуда барои рушд ва мустаҳкамнамоии сулҳу субот дар минтақа ва ҷаҳон мусоидат мекунад», қайд кард намояндаи вазорат.
Ҳамрохон Зарифӣ аз ҷамъбасти машварат изҳори розигӣ намуда чунин шакли машварати дуҷонибаро барои мавқеъгирӣ ва дурнамои вазъи муносибати дуҷониба, муайян намудани роҳҳои минбаъдаи рушди он қуллай унвон кард.
"Репатриант" – роҳи дигари муқим шудан дар Русия. Ин чӣ мақом аст ва кӣ метавонад аз он истифода кунад?
Ҳукумати Тоҷикистон ба НБО “Роғун” 5,5 млн доллар маблағи иловагӣ равона мекунад
Сафири Русия ба ВКХ даъват шуд. Тоҷикистон нигаронии худро оид ба эҷоди мушкил дар вуруди шаҳрвандонаш ба Русия иброз дошт
Роҳбари ҶДММ “Лоиқ”: “Санҷиши Агентии зиддифасод дахолат ба фаъолияти соҳибкорӣ аст”
Тоҷикистон медал намегирад? Пешгӯии таҳлилгарон оид ба Олимпиада-2024
Бо пешниҳоди Эмомалӣ Раҳмон. Шукурҷон Зуҳуров раис интихоб шуд
Даргузашти раиси пешини шаҳри Душанбе
Мансабдори пешини қирғиз, ки як санад оид ба марзи Тоҷикистону Қирғизистонро имзо карда буд, аз зиндон озод шуд
Тасарруфи беш аз 142 ҳазор сомонӣ зимни сохтмони як бинои Маркази миллии тестӣ
Додситонии Олмон панҷ зодаи Тоҷикистонро ба терроризм муттаҳам кард
Кулли ахбор
Авторизуйтесь, пожалуйста