Вазорати корҳои хориҷии Тоҷикистон сафири Қирғизистон дар Тоҷикистон Ҷаниш Рустенбековро ба сафорат эҳзор кардаву ба дасти ӯ нотаи эътирозӣ супурдааст. Дар ин бораи торнамои ВКХ хабар медиҳад.
Бино ба иттилои дафтари матбуоти ВКХ Тоҷикистон ин ёддоштро 27 апрел муовини Вазири корҳои хориҷии Ҷумҳурии Тоҷикистон Музаффар Ҳусейнзода бо сафири Қирғизистон дар Ҷумҳурии Тоҷикистон зимни як мулоқот бо изҳори нигаронии амиқ супурдааст.
Дар ёддошти Тоҷикистон аз қазияи лату кӯби ду шаҳрванди ноболиғи кишвар нигаронӣ шудааст.
"Вазорати корҳои хориҷии Тоҷикистон ба Сафири Қирғизистон ёддошт супорид, ки дар он ҷониби Тоҷикистон аз амалҳои ғайриқонунии намояндагони Хадамоти давлатии марзбонии Қирғизистон нисбат ба ду шаҳрванди ноболиғи Тоҷикистон дар минтақаи Кулики Ҷамоати Ворухи шаҳри Исфара изҳори нигаронии амиқ кардааст",- гуфта мешавад дар ин хабарномаи ВКХ.
Ҳусейнзода ба сафири кишвари ҳамсоя ғайри қобили қабул будани чунин амалҳои ғайриқонуниро, ки сабаби ташаннуҷ дар минтақаи наздимарзӣ гардидаанд, изҳор кардааст.
Муовини Вазири корҳои хориҷии Тоҷикистон аз ҷониби Қирғизистон даъват кардааст, ки барои ба ҷавобгарӣ кашидани гунаҳгорон тадбирҳои фаврӣ андешида, аз натиҷаи он ба ҷониби Тоҷикистон хабар диҳанд.
Ин мақоми вазорати хориҷаи Тоҷикистон изҳор кардааст, ки ҷониби Тоҷикистон ҷонибдори рушди муназзами муносибатҳои дӯстӣ ва ҳамсоягии нек бо Қирғизистон дар шароити сулҳ, субот ва эҳтироми тарафайн дар асоси анъанаҳо ва арзишҳои муштараки маънавию фарҳангии ду халқи бародар мебошад.
Ин ёддошти эътирозии Тоҷикистон дар ҳолест, ки чанд рӯз пеш ҷониби Қирғизистон сафири Тоҷикистон дар ин кишвар Назирмад Ализодаро ба гуфти мақомоти ин кишвар дар пайванд ба рабудани ду шаҳрванди Қирғизистон - ду сокини ноҳияи Лайлаки вилояти Бодканд ба ВКХ эҳзор кардаву нота дода буд.
Бояд гуфт, ҷониби Тоҷикистон иттилоъ дода буд, ки 25-уми апрел ҳангоми чаронидани гов дар мавзеъи чарогоҳи болотари маҳаллаи Заҳматободи ҷамоати Ворух хонандагони синфи 8 О. Ғафуров ва И. Саидов ду шаҳрванди ноболиғи Тоҷикитонро марзбонони Қирғизистон рабудаву латукӯб кардаанд.
Дирӯз ҷузъиёти ин қазияи рабудан ва лату кӯбро "Азия-Плюс" ҳангоми суҳбат бо мақомоти маҳалии ҷамоати Ворух ва падари яке аз ин ноболиғон пешниҳод карда буд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
"Репатриант" – роҳи дигари муқим шудан дар Русия. Ин чӣ мақом аст ва кӣ метавонад аз он истифода кунад?
Ҳукумати Тоҷикистон ба НБО “Роғун” 5,5 млн доллар маблағи иловагӣ равона мекунад
Сафири Русия ба ВКХ даъват шуд. Тоҷикистон нигаронии худро оид ба эҷоди мушкил дар вуруди шаҳрвандонаш ба Русия иброз дошт
Роҳбари ҶДММ “Лоиқ”: “Санҷиши Агентии зиддифасод дахолат ба фаъолияти соҳибкорӣ аст”
Тоҷикистон медал намегирад? Пешгӯии таҳлилгарон оид ба Олимпиада-2024
Бо пешниҳоди Эмомалӣ Раҳмон. Шукурҷон Зуҳуров раис интихоб шуд
Даргузашти раиси пешини шаҳри Душанбе
Мансабдори пешини қирғиз, ки як санад оид ба марзи Тоҷикистону Қирғизистонро имзо карда буд, аз зиндон озод шуд
Тасарруфи беш аз 142 ҳазор сомонӣ зимни сохтмони як бинои Маркази миллии тестӣ
Додситонии Олмон панҷ зодаи Тоҷикистонро ба терроризм муттаҳам кард
Кулли ахбор
Авторизуйтесь, пожалуйста