Шариф Назарзода, сардори Раёсати корҳои дохилии шаҳри Душанбе аз мақомаш озод ва сардори РВКД дар Вилояти Мухтори Кӯҳистони Бадахшон таъин шудааст. Хабари сардори РВКД дар ВМКБ таъин шудани Назарзодаро як манбаъ аз ВКД Тоҷикистон ба "Азия-Плюс" таъйид кард.
Дақоиқе пеш Хадамоти матбуоти президенти Тоҷикистон аз тағйироти кадрӣ дар Вазорати корҳои дохил ва сохторҳои ин ниҳод дар ВМКБ ва чанд вилояту шаҳру ноҳияи дигар хабар дод.
Аз ҷумла бар асоси қарори Ҳукумати Тоҷикистон Бароталӣ Ҳамидзода бо сабаби ба кори дигар гузаштан аз вазифаи муовини Вазири корҳои дохилии Ҷумҳурии Тоҷикистон озод шудааст.
Як манбаъ аз РВКД Душанбе ба Азия-Плюс хабар дод, ки Бароталӣ Ҳамидзода сардори РВКД Душанбе таъин шудааст.
Дафтари матбуоти президенти Тоҷикистон ҳамчунин аз барканорӣ ва таъини сардорони раёсату шуъбаҳои Вазорати корҳои дохилӣ дар вилояти Хатлон, шаҳри Кӯлоб, ноҳияҳои Ҷайҳун, Вахш, Темурмалик ва Шаҳритуси вилояти Хатлон, сардорони шуъбаҳои Вазорати корҳои дохилӣ дар ноҳияҳои Файзобод, Нуробод ва сохторҳои марказии Вазорати корҳои дохилӣ низ хабар медищад. Аммо гуфта намешавад, ки ба ин мақомҳо кӣ таъин шудааст.
Шариф Назарзода рутбаи генерал – лейтенанти милитсияро дорад, ки 56-сола аст. Хидмат дар мақомоти корҳои дохилиро сентябри соли 1987 оғоз кардааст.
Ба унвони ваколатдори оперативии гурӯҳи кор бо ноболиғон, ваколатдори калони оперативии корҳои махсусан муҳими шӯъбачаи мубориза бар зидди нашъамандии РКД, ваколатдори калони оперативии ШКД ва муовини сардори шӯъбачаи кофтукови ҷиноии ШКД, сардори шӯъбачаи кофтукови ҷиноии ШКД ва муовини сардори Раёсати мубориза бар зидди ҷиноятҳои муташаккили ВКД кор кардааст
Ду навбат сардори Раёсати корҳои дохилии Душанбе, муовини Вазири корҳои дохилӣ ва сардори РВКД дар вилояти Суғд низ буд. Аз 12 декабри соли 2017 то тағйироти имрӯз, дар мақоми сардори РВКД Душанбе кор мекард.
Эмомалӣ Раҳмон дар мулоқот бо кадрҳои тозатаъин "аз авзои минтақа ва ҷаҳон, таъмини волоияти қонун, мубориза бар зидди ҳамагуна қонуншиканиҳо, пешгирии қочоқи маводи мухаддир, силоҳ ва дигар ҷиноятҳои фаромиллӣ ёдовар шуда, таъкид намуданд, ки кадрҳои ҷавону болаёқат вобаста ба таҳдиду хатар ва ҷиноятҳои замони муосир пайваста омӯзанд ва бо истифода аз технологияи муосир сатҳи донишҳои тахассусии худро боз ҳам баланд бардоранд",- овардааст дафтари матбуоти раёсатҷумҳурӣ.
Дар Telegram, Facebook, Instagram, OK ва ВК бо мо бимонед.
Лутфан, хабари муҳим, суол ва аксу видеоҳои ҷолибро ба Asia-Plus тавассути Viber, Telegram, Whatsapp, Imo ба рақами +992 93 792 42 45 фиристед.
Репатриант – роҳи дигари муқим шудан дар Русия. Ин чӣ мақом аст ва кӣ метавонад аз он истифода кунад?
Ҳукумати Тоҷикистон ба НБО “Роғун” 5,5 млн доллар маблағи иловагӣ равона мекунад
Сафири Русия ба ВКХ даъват шуд. Тоҷикистон нигаронии худро оид ба эҷоди мушкил дар вуруди шаҳрвандонаш ба Русия иброз дошт
Роҳбари ҶДММ “Лоиқ”: “Санҷиши Агентии зиддифасод дахолат ба фаъолияти соҳибкорӣ аст”
Тоҷикистон медал намегирад? Пешгӯии таҳлилгарон оид ба Олимпиада-2024
Бо пешниҳоди Эмомалӣ Раҳмон. Шукурҷон Зуҳуров раис интихоб шуд
Даргузашти раиси пешини шаҳри Душанбе
Мансабдори пешини қирғиз, ки як санад оид ба марзи Тоҷикистону Қирғизистонро имзо карда буд, аз зиндон озод шуд
Тасарруфи беш аз 142 ҳазор сомонӣ зимни сохтмони як бинои Маркази миллии тестӣ
Додситонии Олмон панҷ зодаи Тоҷикистонро ба терроризм муттаҳам кард
Кулли ахбор
Авторизуйтесь, пожалуйста