Замир Кобулов, намояндаи вижаи раисҷумҳури Русия бо Амирхон Муттақӣ, сарпарасти вазорати корҳои хориҷии Афғонистон дар Кобул дидор кардааст. Дар ин бора рӯзномаи “8-и субҳ” бо такя ба хабаргузории ТАСС хабар медиҳад.
Дар ин дидор, ки баъд аз зӯҳри якшанбе, 15-уми январ, сурат гирифтааст, Кобулов ба барқарории сареъи сулҳ ва оштии миллӣ дар Афғонистон таъкид кардааст.
Амирхон Муттақӣ зимни мулоқоти худ гуфтааст, ки “раҳбари Толибон* ба тавсияҳои дӯстонаи Русия гӯш медиҳад ва рӯйи ташкили як давлати фарогир, дар мавриди масоили ҳуқуқи башар ва ҳуқуқи занон кор мекунад”.
Ба иттилои ин рӯзнома, сафорати Русия дар Кобул бо нашри баёнияе гуфтааст, ки дипломатҳои рус бар тааҳҳуди Маскав ҷиҳати ҳимоят аз мардуми Афғонистон «ба нафъи барқарории сареъи сулҳ ва дастёбӣ ба оштии миллӣ» таъкид мекунанд.
Ҳамчунон, гуфта шудааст, ки ду тараф дар бораи бартарафсозии мушкилоти тавсеаи тиҷорат, ҳамкорӣ дар мубориза бо терроризм ва мубориза бо гардиши маводи мухаддир гуфтугӯ кардаанд.
Ёдовар мешавем, ки Русия мисли аксар кишварҳои ҷаҳон ҳукумати дар пайи ғасби қудрати қонунии Афғонистон таъсисдодаи Толибонро ба расмият намешиносад, аммо бо ин гуруҳ робитаи мустақим ва ҳасанаро ба роҳ мондааст. Равобити Маскави расмӣ ва Толибон қабл аз ба сари қудрат омадани онҳо низ хуб буд ва намояндагони ин гуруҳ меҳмони Маскав низ шуда буданд. Пас аз ғасби қудрат дар Афғонистон, дар тобистони соли 2021, Маскав бо ин гуруҳ равобити худро хуб нигоҳ дошта, фиристодаи ин кишвар дар масоили Афғонистон чандин маротиба бо роҳбарони ин гуруҳ мулоқот кардааст.
*Дар Тоҷикистон гурӯҳи террористӣ эътироф шудааст
Ҳар он чи дар Афғонистон рух медиҳад, метавонед мустақиман дар сужаи мо - "Афғонистон" бихонед.
Нигаронии ҷиддӣ аз нақзи ҳуқуқ ва озодиҳои тоҷикон. Тоҷикистон ба сафири Русия нотаи эътирозӣ супорид
Бонки исломии рушд барои сохтмони НБО Роғун 150 миллион доллар ҷудо кард
Дар Тоҷикистон 25 собиқадори Ҷанги Бузурги Ватанӣ боқӣ мондаанд
Бонки миллӣ бори дуюм аз оғози сол меъёри бозтамвилро паст кард
Аввал расид, баъд шаҳодатномаи хатм? Шикоят аз ҳуҷҷатсупории иҷборӣ ба Маркази миллии тестӣ
Президенти БАТР бо сафари дурӯза ба Душанбе меояд
“Бегуноҳ аст”. Додгоҳҳои Тоҷикистон давоми 5 сол чанд ҳукми сафедкунанда содир кардаанд?
Амрико барои нигоҳдорӣ ва ҳифзи Панҷакенти куҳан беш аз $186 ҳазор ҷудо кард
Супоридани имтиҳони забони русӣ барои муҳоҷирон сангинтар мешавад
Дар бозӣ барои ҷойи сеюм низ бахти футзалистони тоҷик дар пеналти омад накард
Кулли ахбор
Авторизуйтесь, пожалуйста