Тоҷикистон новобаста ба он ки дар сари қудрати Афғонистон гуруҳи Толибон* қарор доранду ин гуруҳро эътироф намекунад, ба тоҷикони ин кишвар бо ҳар васила кумак хоҳад кард.
Ин нуктаро Саидҷаъфар Усмонзода, вакили парлумон ва раиси Ҳизби демократи Тоҷикистон зимни суханронии худ дар як ҳамоиши Академияи миллии илмҳои Тоҷикистон вобаста ба мавзӯи “Мавқеи Ҷумҳурии Тоҷикистон дар муқовимат бо экстремизми динӣ ва терроризми байналмилалӣ” иброз дошт.
Ӯ, ки дар мавзӯи “Ҳукумати террористии ҳаракати Толибон ва таҳдиди он ба Осиёи Марказӣ” маърӯза мекард, гуфт, баъди ба сари қудрати Афғонистон омадани гуруҳи Толибон ба сари тоҷикони ин кишвар “ҷабру мушт” зиёд шуд.
Саидҷаъфар Усмонзода дар робита ба вазъи тоҷикони он сӯйи Ому ибрози накар карда, таъкид кард, ки “Тоҷикистон роҳе мекобад, ки ба тоҷикони Афғонистон кумак намояд”.
Масъалаи дигаре, ки дар ин ҳамоиш баррасӣ гардид, таҳдидҳо аз Афғонистон ба Осиёи Марказӣ буд. Дар робита ба ин мавзӯъ Саидкарим Адиб, корманди собиқи хадамоти амнияти Афғонистон дар аҳди Ашраф Ғанӣ суханронӣ карда, вазъи имрӯз ва ояндаи Афғонистон норӯшан ва ҳукуматдории Толибонро хатарзо маънидод кард.
Дар ҳамоиши мазкур ҳамчунин масъалаҳои зиёди вобаста ба муқовимат бо экстремизми динӣ ва терроризми байналмилалӣ, ҳамчунин чолишҳои муосири минтақавӣ баррасӣ гардиданд.
Бояд гуфт, ки дар Афғонистон теъдоди зиёди тоҷикон зиндагӣ мекунанд. Тибқи иттилое, ки Президенти Тоҷикистон Эмомалӣ Раҳмон ду сол пеш зикр карда буд, ҳудуди 46 дарсади ҷамъияти ин кишварро тоҷикон ташкил медиҳанд.
Ёдовар бояд шуд, ки қудрат дар Афғонистон тобистони соли 2021, пас аз 20 соли ҳузури неруҳои НАТО ба дасти Толибон афтод. То ҳанӯз кишварҳои минтақа ва ҷаҳон гурӯҳи Толибонро ба расмият нашинохтанд ва эътироф накарданд.
*Дар Тоҷикистон гурӯҳи террористӣ эътироф шудааст.
Ҳар он чи дар Афғонистон рух медиҳад, метавонед мустақиман дар сужаи мо - "Афғонистон" бихонед.
Дар пайи тирпаронӣ дар марзи Тоҷикистону Қирғизистон як омӯзгори тоҷик захмӣ шуд. Тафсилоти пурраи ҳодиса
Охири ҳафта борони шадид меборад ва раъду барқ мешавад. Огоҳии КҲФ ба сокинони кишвар
Дар радабандии кишварҳои камбизоат Тоҷикистон дар ҷойи чандум аст?
Сардори Хадамоти федеролии амнияти Русия: “Ташкилкунандаи асосии ҳамлаи террористӣ ба “Крокус Сити Ҳол” дар хориҷа аст”
Қазоқистон низ тафтиши муҳоҷирони кории тоҷикро бештар ва чораҳои амниятиро дар фурудгоҳҳо пурзӯр кардааст
Тоҷикистон дар раддабандии озодии матбуот боз ду зина поён рафт
Имсол ба ҳар як иштирокчии ҶБВ қариб 50 ҳазор сомонӣ медиҳанд
Вазорати умури дохилии Русия тартиби сабти номи шаҳрвандони хориҷиро шарҳ дод
Роҳхатҳои олимпӣ дар кишварҳои Осиёи Марказӣ: кӣ аз ҳама зиёдтар дорад?
Дар радабандии ФИФА мунтахаби футзали Тоҷикистон байни 139 кишвар зинаи 34-умро ишғол кард
Кулли ахбор
Авторизуйтесь, пожалуйста