Вакилони палатаи поёнии парлумони ҷумҳурӣ имрӯз аз раиси Бонки миллии Тоҷикистон (БМТ) Ҷамшед Нурмаҳмадзода пурсиданд, ки мушкили пулгирии амонатгузорони «Агроинвестбонк» ва «Тоҷиксодиротбонк» кай дар ниҳояти кор ҳаллу фасл мешавад.
Ба қавли вакил Рустам Қудратов, интихобкунандагон ҳамеша ба намояндаҳои худ дар парлумон дар ин хусус савол медиҳанд.
Раиси Бонки миллӣ ба вакилон мушаххасан дар ин бора посух нагуфта, дар ҳамин ҳол таъкид дошт, ки ин мушкилот давра ба давра ҳал хоҳад шуд.
Ба гуфтаи Ҷамшед Нурмаҳмадзода, танҳо тӯли 2 моҳи охир «Агроинвестбонк» ба амонатгузорони худ беш аз 61 млн. сомонӣ ва «Тоҷиксодиротбонк» - 54 млн. сомонӣ маблағҳояшонро баргардонидаанд.
«Ҳарду бонк бо амонатгузороне, ки дар суратҳисобҳояшон на бештар аз 500 доллар маблағ доштанд, пурра ҳисоббаробарӣ карданд», - қайд кард раиси Бонки миллӣ.
Раиси палатаи поёнии парлумон Шукурҷон Зуҳуров қайд кард, ки мувофиқи маълумоте, ки ӯ дар даст дорад, айни замон бонкҳои зикршуда ба саҳмгузорони худ беш аз 1,5 млрд. сомонӣ пулҳояшонро пардохта, акнун баргардонидани наздики 1,3 млрд. сомонии дигар боқӣ мондааст.
Тибқи маълумоти раиси БМТ, аз рӯи натиҷаҳои 10 моҳи соли равон аҳолии кишвар ба бонкҳо 470 млн. сомонӣ маблағ гузоштаанд, ки нисбат ба ҳамин давраи соли гузашта 5 фоиз камтар аст.
Рамазон Раҳимзода бо Якоб Схермерс истирдоди шахсони дар ҷустуҷӯ қарордоштаро баррасӣ кардааст
Чупик: "Аз пайи тоҷикон шаҳрвандони Ӯзбекистону Қирғизистонро ҳам ба Русия роҳ намедиҳанд"
Пуштибони Муъмину Лоиқу Бозор. Мирзо Турсунзода ва нақши ӯ дар адабиёт ва тарбияи истеъдодҳо
Аз қитъаи замин то шаҳодатномаи ронандагӣ. Чаро ваъдаҳои мақомот ҷавононро ба хидмати ҳарбӣ дилгарм намекунад?
“Шоҳ” ва ситораҳои тобони ҷудои ҷаҳон ба Душанбе омаданд. Онҳо дар "Dushanbe Grand Slam 2024” иштирок мекунанд
Ҳаҷми истеҳсоли маҳсулоти кишоварзӣ дар Тоҷикистон зиёд шуд
БИР ва фондҳои рушди араб барои маблағгузорӣ ба неругоҳи “Роғун” 550 млн доллар ҷудо мекунанд
Марказҳои тестии Русия дигар аз муҳоҷирон имтиҳон қабул намекунанд. Акнун дар куҷо ва чӣ хел онро бояд супорид?
Нақшаи даъвати ҳарбӣ 70% иҷро шуд. “Облава” аз байн рафт?
Дар Суғд куҳансолтарин дарахтонро рӯйхат мекунанд
Кулли ахбор
Авторизуйтесь, пожалуйста