Собиқ сардори Хадамоти гумруки назди ҳукумати Тоҷикистон Абдуфаттоҳ Ғоиб бо сабаби мушкили марбут ба воридоти гӯшти пастсфати мурғ ба ҷумҳурӣ аз мансабаш барканор шуд, - гуфт муовини сардори Хадамоти гумрук Тоҷикистон Азим Турсунзода зимни нишасти хабарӣ.
Муовини сардори хадамот қайд кард, ки дар робита ба мушкилоти зикршуда чанде аз роҳбарони идораҳо танбеҳ гирифта, бархе аз вазифа озод шуданд.
Дар ҳамин ҳол, ӯ Абдуфаттоҳ Ғоибро ҳамчунин роҳбари кордону соҳибтаҷриба номид. «Абдуфаттоҳ Ғоибро ҳукумат ба кори дигар гузаронид ва мо бовар дорем, ки ба мансаби роҳбарӣ, ки дар он ҷо низ фаъолияти худро пурсамар идома хоҳад дод», - илова намуд муовини сардори Хадамот.
Қобили зикр аст, ки охири моҳи ноябри соли гузашта президенти Тоҷикистон Эмомалӣ Раҳмон дар маҷлиси ҳукумат аз сатҳи сифати маҳсулоти хӯроквории воридотӣ, аз ҷумла гӯшти мурғ нигаронӣ изҳор намуд.
«Кӣ ба марги кӯдаки аз ҳасиби истеҳсоли маҳаллӣ заҳролудшуда ҷавоб мегӯяд? Мувофиқи натиҷаи санҷишҳо, сабабаш он аст, ки 90 фоизи маҳсулоти гӯштӣ ба қоидаҳои санитарӣ ва меъёрҳои қабулшуда ҷавобгӯ нестанд», - изҳор дошт Президент зимни ироаи Паёми ҳамасола ба парлумони кишвар.
Он замон бо ин сабаб бинобар беэътиноӣ зоҳир кардан ба вазифаҳои ишғолкарда ва беназоратӣ нисбат ба воридоти маҳсулоти пастсифати хӯрока, директори Агентии стандартизатсия, метрология, сертификатсия ва нозироти савдои назди ҳукумати ҶТ Ибодулло Қурбониён, Хадамоти назорати байтории Вазорати кишоварзии ҶТ Шералӣ Вазиров ва Хадамоти назорати давлатии санитариву эпидемиологии Вазорати тандурустӣ ва ҳифзи иҷтимоии аҳолии ҶТ Холмуҳаммад Каримзода аз вазифа озод карда шуданд.
Ба роҳбарони Хадамоти гумрук Абдуфаттоҳ Ғоиб ва Кумитаи андоз Нусратулло Давлатзода танбеҳ эълон шуда, вале баъдтар, санаи 18 январ Абдуфаттоҳ Ғоиб «бинобар сабаби ба кори дигар гузаштан» аз мансабаш барканор шуд.
Хабарҳои моро дар Telegram пайгирӣ намоед, ба шабакаи мо бо суроғаи https://t.me/asiaplus ҳамроҳ шавед.
"Репатриант" – роҳи дигари муқим шудан дар Русия. Ин чӣ мақом аст ва кӣ метавонад аз он истифода кунад?
Ҳукумати Тоҷикистон ба НБО “Роғун” 5,5 млн доллар маблағи иловагӣ равона мекунад
Сафири Русия ба ВКХ даъват шуд. Тоҷикистон нигаронии худро оид ба эҷоди мушкил дар вуруди шаҳрвандонаш ба Русия иброз дошт
Роҳбари ҶДММ “Лоиқ”: “Санҷиши Агентии зиддифасод дахолат ба фаъолияти соҳибкорӣ аст”
Тоҷикистон медал намегирад? Пешгӯии таҳлилгарон оид ба Олимпиада-2024
Бо пешниҳоди Эмомалӣ Раҳмон. Шукурҷон Зуҳуров раис интихоб шуд
Даргузашти раиси пешини шаҳри Душанбе
Мансабдори пешини қирғиз, ки як санад оид ба марзи Тоҷикистону Қирғизистонро имзо карда буд, аз зиндон озод шуд
Тасарруфи беш аз 142 ҳазор сомонӣ зимни сохтмони як бинои Маркази миллии тестӣ
Додситонии Олмон панҷ зодаи Тоҷикистонро ба терроризм муттаҳам кард
Кулли ахбор
Авторизуйтесь, пожалуйста