Дар ҷаласаи навбатии ҳукумат Президенти Тоҷикистон Эмомалӣ Раҳмон ба роҳбарияти вазорату идораҳои дахлдор дастур дод, ки то 250 сомонӣ боло бурдани нархи симкортҳои телефони мобилиро дар ҷумҳурӣ то 1 январи соли 2019 мавқуф гузоранд.
“Дар маҷлиси ҳукумат Эмомалӣ Раҳмон ба масъалаи вазъ атрофи болоравии нархи симкортҳо миёни ҷомеа таваҷҷуҳ зоҳир намуда, дастур дод, ки амалишавии қарори аз 1 сентябри соли равон боло бурдани нархи симкортҳо мавқуф гузошта шавад”, - хабар дод ба “Азия-Плюс” котиби матбуотии Сарвари давлат Абдуфаттоҳ Шарифзода.
Ӯ қайд кард, ки дар ин робита Сарвари давлат ба роҳбари Дастгоҳи иҷроияи президент дастур дод, ки масъалаҳои арзиши симкортҳо, истифодаи як симкорт аз ҷониби як нафар ва манъи фурӯши кортҳо ба кӯдакони синни то 14-сола мавриди омӯзиши ҳамаҷониба қарор дода шавад.
Қобили зикр аст, ки айни замон симкортҳо барои кӯдакони ноболиғро волидон метавонанд ба номи худ ё бо шаҳодатномаи таваллуди кӯдак ба расмият дароранд. Шояд варианти охир бекор карда шавад.
“Баъди омӯзиши дақиқи ин масъалаҳо қарори дахлдор қабул мешавад. Масъалаҳои танзим дар ин соҳа минбаъд танҳо бо қарори ҳукумати ҷумҳурӣ ҳал карда мешаванд, яъне танҳо ҳукумат метавонад доир ба ин масъалаҳо қарори ниҳоӣ қабул намояд”, - зикр кард котиби матбуотии президент.
Бино ба маълумоти Хадамоти алоқа, тариф барои иҷрои протоколи ҷаласаи муштараки ВКД, КДАМ, Хадамоти алоқа ва ширкатҳои мобилии «Тcell», «ТТ-Мобайл», «Вавилон-Мобайл» ва «Таком» аз 8 августи соли 2018 ва қарори ҳукумати Тоҷикистон аз 30 апрели соли 2018 «Дар бораи тартиб ва талаботи пайвастшавӣ ба шабакаи алоқаи барқӣ» мувофиқи моддаи 22 Қонуни ҶТ “Дар бораи ҳимояи рақобат” ва қисми 12 Оинномаи Хадамоти зиддиинҳисорӣ муқаррар шудааст.
Хабарҳои моро дар Telegram пайгирӣ намоед, ба шабакаи мо бо суроғаи https://t.me/asiaplus ҳамроҳ шавед.
Дар робита ба таҷлили Иди ғалаба ва Рӯзи ваҳдати миллӣ реҷаи корӣ тағйир меёбад
20 сол чашминтизори шавҳари муҳоҷир. Чаро Марҳаборо “Зани оҳанӣ” мегӯянд?
Ифтитоҳи парвандаи ҷиноятӣ бар зидди як мансабдори ҳукумати Исфара
Даҳбеди Самарқанд: Аз пайравии нақшбандия то се мавҷи муҳоҷират
Эмомалӣ Раҳмон: “Аз ҳамкорӣ бо БАТР умедвориҳои калон дорем”
“Русия бояд уҳдадориҳояшро иҷро кунад!”. Як созмони ҷаҳонӣ ва ҳуқуқшиносони тоҷик шиканҷаи гумонбарони “Крокус”-ро маҳкум карданд
Нигаронии ҷиддӣ аз нақзи ҳуқуқ ва озодиҳои тоҷикон. Тоҷикистон ба сафири Русия нотаи эътирозӣ супорид
Бонки исломии рушд барои сохтмони НБО Роғун 150 миллион доллар ҷудо кард
Дар Тоҷикистон 25 собиқадори Ҷанги Бузурги Ватанӣ боқӣ мондаанд
Бонки миллӣ бори дуюм аз оғози сол меъёри бозтамвилро паст кард
Кулли ахбор
Авторизуйтесь, пожалуйста