Президенти Тоҷикистон Эмомалӣ Раҳмон рӯзи 8 октябр бо сафари корӣ ба шаҳри Ваҳдат ташриф овард.
Бино ба иттилои хадамоти матбуоти сарвари давлат, нахуст президент дар кӯчаи Сомониёни шаҳри Ваҳдат бинои истиқоматии 10-ошёнаро бо 54 манзил ифтитоҳ намуд, ки аз ҷониби соҳибкори маҳаллӣ Абдусамад Нварзиқулов сохта шудааст.
Дар ошёнаи якуми бинои хуштарҳу замонавӣ коргоҳи дӯзандагӣ, нуқтаи фурӯши армуғон, матоъҳои миллӣ ва намунаҳо аз ҳунарҳои мардумӣ мавҷуд буда, мағозаи хӯрокворӣ низ ҷойгир мебошад.
Дар деҳоти Симиганҷ Эмомалӣ Раҳмон Литсейи касбии сайёҳӣ ва хидматро мавриди баҳрабардорӣ қарор дода, бо имкониятҳои таълим дар он шинос шуд. Дар маҷмуъ дар Литсей аз рӯйи 8 ихтисос таълим роҳандозӣ шуда, муассиса имконият дорад, ки 500 нафарро ба омӯзиш фаро гирад.
Сипас сарвари давлат бо рафти нашъунамои зироати тирамоҳӣ дар хоҷагиҳои деҳқонии «Наҷот», «Икромҷон-1», «Ойбӣ», «Зулфия», «Бахтиёр» ва «Фирӯз» дар деҳоти Чӯянгарон шинос шуда, аз намоиши маҳсулоти кишоварзӣ дидан намуд.
Дар идома бо ҳузури президент дар шаҳри Ваҳдат зеристгоҳи барқии 110/20/10 кВ ва хатти интиқоли барқи 04 килловолт дар масофаи 53 километр барои 9 деҳаи деҳоти Ромит ба истифода дода шуд. Дар маҷмуъ 9 деҳа, иборат аз 3 100 нафар аҳолӣ аввалин бор давоми солҳои тӯлонии истиқомат дар ин мавзеъ ба нерӯи барқ дастрасӣ пайдо карданд.
Дар мавзеи Олучадараи деҳоти Ромит президент дар маросими ифтитоҳи ҳавзҳои моҳипарварӣ ва як меҳмонхона иштирок кард. Зикр шуд, ки иншооти мазкур аз ҷониби ҶДММ “Баҳор” бунёд шудааст.
Ҳамчунин дар ин мавзеъ Эмомалӣ Раҳмон ҳавзҳои моҳипарвариро, ки аз тарафи ҶДММ “Меҳвари Душанбе” бунёд гардидааст, ифтитоҳ кард. Масоҳати умумии гирду атроф ва ҳавзҳои моҳипарварӣ 7 гектарро ташкил намуда, дар масоҳати 3 гектар дарахту бутта ва гулҳои ороишӣ шинонида шудааст.
Дар фарҷоми сафари корӣ сарвари давлат бо роҳбарону фаъолон ва сокинони шаҳри Ваҳдат мулоқот кард. Пешвои миллат ба талошҳову ташаббусҳои созандаи соҳибкорони бонангу номуси шаҳри Ваҳдат ҷиҳати дастгирии сиёсати бунёдкоронаи Ҳукумати мамлакат изҳори сипос кард.
Зимни суханронӣ дар мулоқот бо роҳбарону фаъолон ва сокинони шаҳри Ваҳдат президент изҳор дошт, ки барои таъмини рушди иҷтимоиву иқтисодии шаҳри Ваҳдат дар давраи соҳибистиқлолӣ аз буҷети давлат беш аз якуним миллиард сомонӣ равона шудааст, ки беш аз як миллиарди он ба 7 соли охир рост меояд.
Аксҳо аз хадамоти матбуоти президенти Тоҷикистон.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Боз 47 зану кӯдаки тоҷикро аз Сурия ба Тоҷикистон баргардониданд
“Акнун ба Чин меравам”. Ҷорӣ шудани низоми раводид бо Туркия ба тоҷирони тоҷик чӣ таъсир дорад?
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Кулли ахбор
Авторизуйтесь, пожалуйста