Душанбе. 13-уми июн. «Азия-Плюс» - Вазирони мудофиаи Русия, Тоҷикистон, Қазоқистон, Чин ва Қирғизистон аз марҳилаи ниҳоии тамринҳои низомии зиддитеррористии ҳайати фармондеҳиву ситоди Вазоратҳои мудофиаи кишварҳои узви Созмони ҳамкории Шанхай таҳти унвони «Рисолати сулҳовар-2012», ки дар машқгоҳи Чоруқдаррони вилояти Суғд рӯзи 14-уми июн баргузор мешавад, назорат хоҳанд кард.
Тавре ба ОИ «Азия-Плюс» аз Вазорати мудофиаи ҷумҳурӣ иттилоъ доданд, шоми дирӯз вазири мудофиаи Чин ба шаҳри Хуҷанд омада, аз ташрифи вазирони мудофиаи Қазоқистону Қирғизистон ва Русия имрӯз интизорӣ меравад.
«Намояндагони Вазорати мудофиаи Ӯзбекистон низ хоҳиши иштирок дар марҳилаи ниҳоии тамринҳоро доранд», - гуфт манбаъ. Дар ҳамин ҳол, иттилоъ дода нашуд, ки ҳайати Ӯзбекистон дар кадом сатҳ намояндагӣ хоҳад кард.
Тавре интизорӣ меравад,дар марҳиллаи ниҳоии ин тамринҳои низомӣ президенти Тоҷикистон Эмомалӣ Раҳмон низ ҳузур хоҳад дошт. Айни замон сарвари давлат бо сафари корӣ дар вилояти Суғд қарор дорад.
Ёдрас мекунем, ки тамринҳои низомии мазкур санаи 7-уми июн оғоз гардида, дар он беш аз 2 ҳазор сарбозону афсарони ҷузъу томҳои низомии Тоҷикистону Қазоқистон, Чину Қирғизистон ва Русия ширкат меварзанд.
Ба тамринҳои низомии ҷузъу томҳои кишварҳои узви СҲШ таҳти унвони «Рисолати сулҳовар-2012» фармондеҳи нерӯҳои низомии хушкигарди Вазорати мудофиаи Тоҷикистон генерал-майор Эмомалӣ Собиров фармондеҳӣ мекунад. Дар тамринҳо амалиёти муштараки нерӯҳои ҳавоӣ, артиллерия ва бронетехника санҷида мешаванд.
Ёдрас мекунем, ки Қазоқистон, Чин, Қирғизистон, Русия, Тоҷикистон ва Ӯзбекистон узви Созмони ҳамкории Шанхай мебошанд. Давлатҳои Муғулистон, Ҳиндустон, Эрон ва Покистон дар СҲШ мақоми нозирро доро мебошанд. Мақоми шарик оид ба муколамаи СҲШ ба Белорус ва Шри-Ланка дода шудааст.
"Репатриант" – роҳи дигари муқим шудан дар Русия. Ин чӣ мақом аст ва кӣ метавонад аз он истифода кунад?
Ҳукумати Тоҷикистон ба НБО “Роғун” 5,5 млн доллар маблағи иловагӣ равона мекунад
Сафири Русия ба ВКХ даъват шуд. Тоҷикистон нигаронии худро оид ба эҷоди мушкил дар вуруди шаҳрвандонаш ба Русия иброз дошт
Роҳбари ҶДММ “Лоиқ”: “Санҷиши Агентии зиддифасод дахолат ба фаъолияти соҳибкорӣ аст”
Тоҷикистон медал намегирад? Пешгӯии таҳлилгарон оид ба Олимпиада-2024
Бо пешниҳоди Эмомалӣ Раҳмон. Шукурҷон Зуҳуров раис интихоб шуд
Даргузашти раиси пешини шаҳри Душанбе
Мансабдори пешини қирғиз, ки як санад оид ба марзи Тоҷикистону Қирғизистонро имзо карда буд, аз зиндон озод шуд
Тасарруфи беш аз 142 ҳазор сомонӣ зимни сохтмони як бинои Маркази миллии тестӣ
Додситонии Олмон панҷ зодаи Тоҷикистонро ба терроризм муттаҳам кард
Кулли ахбор
Авторизуйтесь, пожалуйста