Зимни сафари хизматӣ ба ВМКБ ҳафтаи гузашта вазири корҳои дохилии ҷумҳурӣ Рамазон Раҳимов бо ҳайати шахсии вазорат дар вилоят ҷаласа баргузор карда, ду нафар корманди милисаро барои алоқа доштан бо гурӯҳҳои ҷиноятпеша дар шаҳри Хоруғ аз мансаб сабукдӯш намуд.
Бино ба маълумоти Вазорати корҳои дохилии ҷумҳурӣ, ду нафар кормандони ШВКД дар ноҳияи Мурғоб, ваколатдори оперативии шӯъбачаи кофтукови ҷиноӣ, капитани милиса Асалбек Боронбоев ва сарваколатдори шӯъбачаи кофтукови ҷиноӣ подполковники милитсия Маҳкам Лашкаров аз вазифаҳояшон дар мақомоти корҳои дохилӣ озод карда шуданд.
Инчунин вобаста ба натиҷаҳои пасти фаъолияти хизматӣ ва беэътиноӣ зоҳир намудан ба масъулияти базиммадошта, 7 нафар кормандони ШВКД дар шаҳри Хоруғ аз вазифа озод ва нисбати 5 нафари дигар танбеҳ эълон карда шуд.
Вазири корҳои дохилӣ дар идомаи суханронии худ ҳайати шахсиро таъкид намуд, ки вазифаи худро содиқона ва софдилона ба ҷой оварда, муборизаро бо ҷинояткорӣ ва гурӯҳҳои ҷиноятпеша, ки оромӣ ва суботро халалдор карданӣ ҳастанд, пурзӯр намоянд.
Дар ҳамин ҳол, бино ба иттилои ОИ «24.kg» бо истинод ба маркази матбуоти Хадамоти давлатии назорати маводи нашъаовари Қирғизистон, дар яке аз посгоҳҳои ин кишвар мақомоти ҳифзи ҳуқуқ ду нафар кормандони мақомоти кофтукови ҷиноии Тоҷикистонро боздошт намуда, аз автомашинаи онҳо 6 кило маводи мухаддири героин дарёфт намудаанд.
Ба иттилои ин манбаъ, баъдтар маълум шудааст, ин ду нафар шаҳрвандони Тоҷикистон кормандони амалкунандаи кофтукови ҷиноии шуъбаи корҳои дохилии ноҳияи Мурғоби ВМКБ будаанд.
Замони интишори хабар муяссар нагардид, ки дар Вазорати корҳои дохилии ҷумҳурӣ тасдиқ созем, ки оё инҷо сухан сари ҳамон кормандони дар боло зикршуда меравад ё на.
Дар радабандии кишварҳои камбизоат Тоҷикистон дар ҷойи чандум аст?
Сардори Хадамоти федеролии амнияти Русия: “Ташкилкунандаи асосии ҳамлаи террористӣ ба “Крокус Сити Ҳол” дар хориҷа аст”
Қазоқистон низ тафтиши муҳоҷирони кории тоҷикро бештар ва чораҳои амниятиро дар фурудгоҳҳо пурзӯр кардааст
Тоҷикистон дар раддабандии озодии матбуот боз ду зина поён рафт
Имсол ба ҳар як иштирокчии ҶБВ қариб 50 ҳазор сомонӣ медиҳанд
Вазорати умури дохилии Русия тартиби сабти номи шаҳрвандони хориҷиро шарҳ дод
Роҳхатҳои олимпӣ дар кишварҳои Осиёи Марказӣ: кӣ аз ҳама зиёдтар дорад?
Дар радабандии ФИФА мунтахаби футзали Тоҷикистон байни 139 кишвар зинаи 34-умро ишғол кард
“Ба хотири шаффофият!”. Пули иҷораи китобҳои дарсӣ низ дигар ғайринақдӣ супорида мешавад
Собиқадорони Ҷанги Бузурги Ватанӣ дар Душанбе чанд пул мегиранд?
Кулли ахбор
Авторизуйтесь, пожалуйста