Дар ҷаласаи имрӯзаи палатаи поёнии парлумон Созишнома дар бораи мақом ва шартҳои ҳузури пойгоҳи низомии Русия дар қаламрави Тоҷикистон тасдиқ шуд.
Зимни шарҳи моҳияти созишномаи мазкур ба вакилон вазири мудофиаи Тоҷикистон Шералӣ Хайруллоев изҳор кард, ки ин санадро Русия ҳанӯз 7-уми майи соли равон ба тасвиб расонида, ҳузури пойгоҳи низомии Русия дар Тоҷикистон ба манфиати ҳарду кишвар нигаронида шудааст ва ба муқобили ҷониби сеюми истифода намешавад.
Ӯ ба вакилон ҳамчунин иттилоъ дод, ки мувофиқи Ёддошти баимзорасида оид ба ҳамкории техникӣ аз 5-уми октябри соли 2012, Русия артиши ҷумҳуриро бо авиатсияи муосир, тӯпу зиреҳ, воситаҳои алоқа, техникаи автомобилии низомӣ, таҷҳизоти мудофиаи зиддиҳавоӣ, техникаи зиреҳпӯш ва силоҳи оташфишони замонавӣ таъмин мекунад.
«Дар самти омодасозии кадрҳои низомӣ Тоҷикистону Русия ҳамкории густарда дошта, шурӯъ аз соли 2005 Русия барои артиши Тоҷикистон 2 ҳазору 14 нафар афсаронро омода намуд ва айни замон дар макотиби олии низомии ин кишвар ҳудуди 500 нафар шаҳрвандони Тоҷикистон ройгон таҳсил мекунанд», - гуфт Ш.Хайруллоев.
Вазири мудофиа ҳамчунин зикр кард, ки шурӯъ аз соли 2005 Русия ба Тоҷикистон ба сифати кӯмаки техникиву низомӣ дар ҳаҷми беш аз 411 млн. доллари ИМА ёрӣ расонидааст.
Ғвйр аз ин, имрӯз дар палатаи поёнии парлумон Созишнома байни Тоҷикистону Русия дар бораи тариби бубудоши шаҳрвандони Тоҷикистон дар қаламрави Русия, ки 8-уми феврали соли 2013 ба имзо расида буд, низ тасдиқ гардид.
Зимни баррасии масъалаи мазкур раиси МНМО ҶТ Шукурҷон Зуҳуров ба сардори Хадамоти муҳоҷирати назди ҳукумати ҶТ Сафиалло Девонаев ёдовар шуд, ки дар ҷараёни сафари расмии президенти Русия Владимир Путин ба Душанбе тирамоҳи соли гузашта оид ба тасвиби созишномаи байниҳукуматӣ дар бораи ба шаҳрвандони Тоҷикистон додани иҷозатномаи якдафъаинаи кор ба муддати се сол тавофуқ ҳосил шуда буд.
Дар навбати худ С.Девонаев дар ин робита хабар дод, ки лоиҳаи ин созишнома таҳия гардида, айни замон мавриди шиносоиву омӯзиши тарафҳо қарор дорад.
Дар посух ба луқмаи вакил Шодӣ Шабдолов дар бораи ахиран аз ҷониби бархе аз сиёсатмадорони рус пешниҳод шудани ҷорисозии низоми раводид бо Тоҷикистон, муовини аввали вазири корҳои хориҷии ҷумҳурӣ Маҳмудҷон Собиров посух дод, ки масъалаи роҳандозии низоми раводид миёни кишварҳо дар сатҳи расмӣ мавриди баррасӣ қарор надорад.
“Бе зарурат ба Русия сафар накунед”. Шарҳи ВКХ Тоҷикистон оид ба банд мондани садҳо муҳоҷири тоҷик дар фурудгоҳҳои Русия
"Репатриант" – роҳи дигари муқим шудан дар Русия. Ин чӣ мақом аст ва кӣ метавонад аз он истифода кунад?
Ҳукумати Тоҷикистон ба НБО “Роғун” 5,5 млн доллар маблағи иловагӣ равона мекунад
Сафири Русия ба ВКХ даъват шуд. Тоҷикистон нигаронии худро оид ба эҷоди мушкил дар вуруди шаҳрвандонаш ба Русия иброз дошт
Роҳбари ҶДММ “Лоиқ”: “Санҷиши Агентии зиддифасод дахолат ба фаъолияти соҳибкорӣ аст”
Тоҷикистон медал намегирад? Пешгӯии таҳлилгарон оид ба Олимпиада-2024
Бо пешниҳоди Эмомалӣ Раҳмон. Шукурҷон Зуҳуров раис интихоб шуд
Даргузашти раиси пешини шаҳри Душанбе
Мансабдори пешини қирғиз, ки як санад оид ба марзи Тоҷикистону Қирғизистонро имзо карда буд, аз зиндон озод шуд
Тасарруфи беш аз 142 ҳазор сомонӣ зимни сохтмони як бинои Маркази миллии тестӣ
Кулли ахбор
Авторизуйтесь, пожалуйста