Чанде қабл дар Агентии назорати маводи нашъаовари назди Президенти Ҷумҳурии Тоҷикистон вохӯрии директори Агентӣ генерал-лейтенанти милитсия Р.Назаров бо ҳайати жандармерияи миллии Фаронса бо роҳбарии генерал-майор Лоран Демолен баргузор гардид.
Бино ба иттилои хадамоти матбуоти Агентӣ, дар рафти вохӯрӣ Директори Агентӣ дар бораи раванди рушди вазъи мухаддиротӣ дар Тоҷикистон, Афғонистон ва минтақаи Осиёи Марказӣ, инчунин саҳми Ҷумҳурии Тоҷикистон дар мубориза бо муомилоти ғайриқонунии маводи нашъадор ба меҳмонон муаррифӣ пешниҳод намуд.
Ҷонибҳо масъалаҳои ҳамкориҳои дуҷонибаро дар ташкили мубориза бо қочоқи маводи нашъаовар, ҷараёни кор бо самтҳои мушаххаси ҳамкориҳо, аз ҷумла вазъи нашъамандии минтақаро дар соли 2014 мавриди сӯҳбат қарор доданд.Ҷаноби Л. Демолен дар навбати худ изҳор дошт, ки Ҳукумати Фаронса барои ҳалли масъалаҳои вобаста ба мубориза бо муомилоти ғайриқонунии маводи нашъаовар дар минтақа, алалхусус дар Ҷумҳурии Тоҷикистон диққати махсус медиҳад.
Вай миннатдории хешро ба мақомоти ҳифзи ҳуқуқ ва сохторҳои қудратии кишвар, ки дар ин самт фаъолияти пурсамар менамоянд, изҳор намуд. Ӯ ҳамчунин қайд намуд, ки ҳукумати давлати ӯ дар оянда низ дар ҳалли масъалаҳои марбут ба мубориза бо маводи нашъаовар ва бозомӯзии кормандони Агентӣ ёрӣ хоҳад дод.
Дар охири вохӯрӣ ҷонибҳо ба хулоса омаданд, ки минбаъд низ саъю кӯшиш намоянд, то ин ки ҳамкориҳои дуҷонибаи Ҷумҳурии Тоҷикистон ва Фаронса дар самти мубориза бо муомилоти ғайриқонунии маводи нашъаовар фаъолтар шаванд.
“Бе зарурат ба Русия сафар накунед”. Шарҳи ВКХ Тоҷикистон оид ба банд мондани садҳо муҳоҷири тоҷик дар фурудгоҳҳои Русия
"Репатриант" – роҳи дигари муқим шудан дар Русия. Ин чӣ мақом аст ва кӣ метавонад аз он истифода кунад?
Ҳукумати Тоҷикистон ба НБО “Роғун” 5,5 млн доллар маблағи иловагӣ равона мекунад
Сафири Русия ба ВКХ даъват шуд. Тоҷикистон нигаронии худро оид ба эҷоди мушкил дар вуруди шаҳрвандонаш ба Русия иброз дошт
Роҳбари ҶДММ “Лоиқ”: “Санҷиши Агентии зиддифасод дахолат ба фаъолияти соҳибкорӣ аст”
Тоҷикистон медал намегирад? Пешгӯии таҳлилгарон оид ба Олимпиада-2024
Бо пешниҳоди Эмомалӣ Раҳмон. Шукурҷон Зуҳуров раис интихоб шуд
Даргузашти раиси пешини шаҳри Душанбе
Мансабдори пешини қирғиз, ки як санад оид ба марзи Тоҷикистону Қирғизистонро имзо карда буд, аз зиндон озод шуд
Тасарруфи беш аз 142 ҳазор сомонӣ зимни сохтмони як бинои Маркази миллии тестӣ
Кулли ахбор
Авторизуйтесь, пожалуйста