Байни Тоҷикистону Чин бо хатсайри ҳавоии Душанбе-Урумчи дар як ҳафта 4 парвоз анҷом дода мешуд. Онҳоро аз ҷониби Тоҷикистон ширкати ҳавопаймолии “Сомон Эйр” ва аз ҷониби Чин ширкати “South China Airlines” ҳар кадом ду парвозӣ иҷро мекарданд.
Имрӯз маълум шуд, ки “Сомон Эйр” парвозҳояшро бо хатсайри Душанбе-Урумчи то 4-уми феврал ва аз Урумчи ба Душанбе то 5-уми феврал мутаваққиф сохтааст. Дар ин бора ба “Азия-Плюс” аз хадамоти матбуоти ширкати ҳавопаймоӣ хабар доданд.
Ба гуфтаи манбаъ, ҳамасола дар ин мавсим бинобар сабаби ҷашни Соли нав дар Чин, ширкат парвозҳо ба самти ин кишварро анҷом намедод.
Дар дафтари матбуоти Фурудгоҳи байнулмилалии Душанбе хабар доданд, ки аз ҷониби ширкати “South China Airlines” низ парвозҳои ҳафтаина бо ду хатсайр ба Урумчи ва парвозҳо ба Тоҷикистон то моҳи феврал боздошта шудааст.
“Алҳол дақиқ намедонем, ки парвозҳо бо чӣ сабаб мавқуф гузошта шудаанд – хуруҷи коронавирус ё ҷашни Соли нав, ки дар Чин 25-уми январ таҷлил мегардад”, - қайд карданд дар хадамоти матбуоти фурудгоҳ.
Ҳамзамон зикр шуд, ки парвози ҳавопаймои хатсайри Урумчи-Тоҷикистон, ки бояд 25-уми январ сурат мегирифт, низ бекор карда шудааст.
Қаблан Вазорати тандурустӣ ва ҳифзи иҷтимоии аҳолии ҶТ ҳамчун мақоми ваколатдор бо ирсоли мактуби расмӣ аз Вазорати корҳои хориҷии Тоҷикистон ва Кумитаи рушди сайёҳии назди Ҳукумати ҶТ дархост кард, ки то муътадил шудани вазъият сафарҳои корӣ ва сайёҳиву тиҷории шаҳрвандони Тоҷикистонро ба Чин маҳдуд кунанд.
Ҳамчунин шаҳрвандоне, ки аз Чин ба Тоҷикистон ворид мешаванд, тамоми маълумот дар бораашон сабт карда шуда, онҳоро аз муоинаи тиббӣ гузаронанд ва таҳти назорат қарор диҳанд.
Ин ҷо бароятон кортҳоро омода кардем, ки аз онҳо ба ҳама гуна суолҳои вобаста ба коронавирус посух дарёфт карда метавонед.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
“Бе зарурат ба Русия сафар накунед”. Шарҳи ВКХ Тоҷикистон оид ба банд мондани садҳо муҳоҷири тоҷик дар фурудгоҳҳои Русия
"Репатриант" – роҳи дигари муқим шудан дар Русия. Ин чӣ мақом аст ва кӣ метавонад аз он истифода кунад?
Ҳукумати Тоҷикистон ба НБО “Роғун” 5,5 млн доллар маблағи иловагӣ равона мекунад
Сафири Русия ба ВКХ даъват шуд. Тоҷикистон нигаронии худро оид ба эҷоди мушкил дар вуруди шаҳрвандонаш ба Русия иброз дошт
Роҳбари ҶДММ “Лоиқ”: “Санҷиши Агентии зиддифасод дахолат ба фаъолияти соҳибкорӣ аст”
Тоҷикистон медал намегирад? Пешгӯии таҳлилгарон оид ба Олимпиада-2024
Бо пешниҳоди Эмомалӣ Раҳмон. Шукурҷон Зуҳуров раис интихоб шуд
Даргузашти раиси пешини шаҳри Душанбе
Мансабдори пешини қирғиз, ки як санад оид ба марзи Тоҷикистону Қирғизистонро имзо карда буд, аз зиндон озод шуд
Тасарруфи беш аз 142 ҳазор сомонӣ зимни сохтмони як бинои Маркази миллии тестӣ
Кулли ахбор
Авторизуйтесь, пожалуйста