Зимни ҷаласаи 16-уми Ассамблеяи парлумонии Созмони Аҳдномаи амнияти дастаҷамъӣ (СААД) дабири кулли Созмон Имангалӣ Тасмагамбетов изҳор дошт, ки дар соли 2024 Созмон баргузории 7 машқи муштараки ҷангиро дар қаламрави Русия, Қазоқистон, Қирғизистон ва Тоҷикистон ба нақша гирифтааст.
“Дар соли 2024 барномаи васеи чорабиниҳо оид ба омодагии муштараки ҷангӣ таҳия шуда, дар маҷмӯъ, баргузории ҳафт тамрин пешбинӣ шудааст”, - овардааст ТАСС гуфтаҳои дабири кулли Созмонро.
Ӯ зикр кардааст, чорабиниҳои дахлдор дар ин маврид “дар қаламрави кишварҳои Қазоқистон, Қирғизистон, Русия ва Тоҷикистон баргузор мешаванд”.
Тасмагамбетов шарҳ додааст, ки дар тамринҳо Неруҳои дастаҷамъонаи вокуниши фаврӣ, Неруҳои дастаҷамъонаи вокуниши фаврии минтақаи Осиёи Марказӣ, Неруҳои ҳомии сулҳи СААД, неру ва воситаҳои таъминоти моддӣ-техникӣ, иктишоф, мақомоти идоракунӣ ва воҳидҳои таъиноти махсуси СААД иштирок мекунанд.
Дар ҳамин ҳол, раиси палатаи поёнии парлумони Тоҷикистон Маҳмадтоир Зокирзода зимни суханронӣ дар ҷаласаи Шӯрои Ассамблеяи парлумонии СААД дар Маскав изҳори умедворӣ кардааст, ки шарикии стратегӣ байни кишварҳои узви Созмон минбаъд ҳам ба хотири таъмини сулҳу субот рушд хоҳанд кард.
Ӯ даъват намудааст, ки барои муқовимат бо таҳдиду чолишҳо таъмини амният дар марзҳои ҷанубӣ мустаҳкам карда шавад.
Ба гуфтаи ӯ, кишварҳо бояд самаранокии ҳамкориро дар соҳаи низомӣ тақвият диҳанд, аз ҷумла ҷиҳати истодагарӣ ва муқовимат ба вуруди гурӯҳҳои террористӣ, хариду фурӯши маводи нашъаовар, чолишҳои ҷинояткориҳои муташаккили фаромиллӣ.
Мушкили шадиди дастрасӣ ба иттилоъ. Идомаи фишор ба расонаҳо ва рукуди озодии баён
Сафири Британияи Кабир дар Тоҷикистон иваз шуд
Тоҷикистониён кадом расонаҳоро бештар пайгирӣ мекунанд?
Маоши кам сабаби тарки соҳа кардани мутахассисон дар Агентии беҳдошти замин ва обёрӣ шудааст
Дар вилояти Курск кор дар таксиро барои муҳоҷирон манъ карданд
Дабири Шӯрои амнияти Қирғизистон “эҳтимоли табодули қитъаҳо” ҳангоми ҳалли баҳси марзӣ бо Тоҷикистонро истисно надонист
Интиқом барои террор дар “Крокус” ё чораҳои зиддитеррористӣ? Омили аслии бархӯрди шадиди Русия бо шаҳрвандони Тоҷикистон чист?
Сафири Амрико аз водии Рашт боздид кард
Вазири корҳои хориҷии Тоҷикистон сафири ИМА-ро ба ҳузур пазируфт
“Сомон Эйр” аз Хуҷанд ба Урумчӣ хатсайри мустақим роҳандозӣ мекунад
Кулли ахбор
Авторизуйтесь, пожалуйста