Душанбе. 26-уми август. «Азия-Плюс» - Ба сарбози ба хизмати ҳарбӣ аз вилояти Суғд даъватшуда, ки ҳангоми адои хизмат ҷароҳат бардошт, манзили зисти дуҳуҷрагӣ ҷудо карда шуд.
Тавре ба ОИ «Азия-Плюс» коршинос оид ба ҳуқуқҳои хизматчиёни ҳарбии Иттиҳодияи ҳуқуқшиносони ҷавони «Ампаро» Дилрабо Самадова хабар дод, зодаи ноҳияи Конибодом Комил Додоҷонов аз моҳи апрели соли 1996 дар қисми низомии шаҳри Исфара адои хизмат мекард. Моҳи июли ҳамон сол ӯ ба ноҳияи Тавилдара – макони даргириҳо фиристода шуд.
Моҳи декабри соли 1996 К. Додоҷонов маҷрӯҳ шуда, дар натиҷа маъюби дараҷаи II гардид. Моҳи июли соли 1997 бинобар маъюбӣ ӯ пеш аз мӯҳлат аз идомаи хизмати ҳарбӣ озод карда шуд.
«Соли равон пас аз 15 соли ҷароҳат бардоштан ӯ ба иттиҳодияи мо барои машварат муроҷиат намуда, мехост бифаҳмад, ки оё ӯ ба гирифтани кӯмаки якдафъаина ва беҳтар кардани шароити манзили зист ҳамчун низомии маҷрӯҳшуда ҳуқуқ дорад ё на», - мегӯяд Самадова.
Бо такя ба моддаи 3-и Қонуни ҶТ «Дар бораи мақоми хизматчиёни ҳарбӣ», ки ҳифзи иҷтимоии хизматчиёни ҳарбиро кафолат медиҳад, ӯ ба раиси шаҳри Конибодом дар ин хусус ариза пешниҳод намуд. Пас аз баррасии аризаи ӯ мақомоти шаҳрдории Конибодом ба ӯ манзили зисти дуҳуҷрагӣ ҷудо кард.
«Айни замон масъалаи аз ҷониби Вазорати мудофиа ба К. Додоҷонов пардохт намудани кӯмакпулии якдафъаина ҳаллу фасл мегардад», - гуфт ӯ.
Самадова мегӯяд дар таҷрибаи ҳуқуқшиносони вилояти Суғд ин ҳодиса бесобиқа аст, зеро аксари мардум аз ҳуқуқҳои худ огаҳӣ надоранд ва ҳатто оилаҳое, ки саробонашон ҳангоми адои хизмати ҳарбӣ ҳалок шудаанд, маъмулан аз ҳуқуқҳои худ ба таъмин бо манзили зист ё кӯмакпулӣ истифода намекунанд.
"Репатриант" – роҳи дигари муқим шудан дар Русия. Ин чӣ мақом аст ва кӣ метавонад аз он истифода кунад?
Ҳукумати Тоҷикистон ба НБО “Роғун” 5,5 млн доллар маблағи иловагӣ равона мекунад
Сафири Русия ба ВКХ даъват шуд. Тоҷикистон нигаронии худро оид ба эҷоди мушкил дар вуруди шаҳрвандонаш ба Русия иброз дошт
Роҳбари ҶДММ “Лоиқ”: “Санҷиши Агентии зиддифасод дахолат ба фаъолияти соҳибкорӣ аст”
Тоҷикистон медал намегирад? Пешгӯии таҳлилгарон оид ба Олимпиада-2024
Бо пешниҳоди Эмомалӣ Раҳмон. Шукурҷон Зуҳуров раис интихоб шуд
Даргузашти раиси пешини шаҳри Душанбе
Мансабдори пешини қирғиз, ки як санад оид ба марзи Тоҷикистону Қирғизистонро имзо карда буд, аз зиндон озод шуд
Тасарруфи беш аз 142 ҳазор сомонӣ зимни сохтмони як бинои Маркази миллии тестӣ
Додситонии Олмон панҷ зодаи Тоҷикистонро ба терроризм муттаҳам кард
Кулли ахбор
Авторизуйтесь, пожалуйста