Бонки ҷаҳонӣ ба татбиқи лоиҳаи дуюми беҳбуди низоми обтаъминкунии шаҳри Душанбе шурӯъ кард. Дар чаҳорчӯби амалисозии лоиҳа ҷиҳати беҳбуд бахшидан ба идоракунӣ, баланд бардоштани сатҳи дониши кормандони Корхонаи воҳиди давлатии «Обу корези Душанбе» кӯмаки техникӣ расонида мешавад.
Тавре ба ОИ «Азия-Плюс» аз намояндагии Бонки ҷаҳонӣ дар Тоҷикистон иттилоъ доданд, лоиҳа бо арзиши умумии 29 млн. доллари ИМА аз ҳисоби бурси Ассотсиатсияи байнулмилалии рушд дар ҳаҷми 16 млн. ва сармоягузории муштараки мақомоти шаҳрдории Душанбе ба миқдори 3 млн. доллари ИМА маблағгузорӣ карда мешавад. Анҷоми амалисозии лоиҳа соли 2016 ба нақша гирифта шудааст.
Дар лоиҳаи дуюми обтаъминкунии шаҳри Душанбе насби беш аз 75 ҳазор таҷҳизоти қубурҳои обрасон (водоровод), сохтмони пойгоҳҳои обкашии нав, ду ҳавзи захираи оби тоза, поксозии шабакаҳои обрасон ва ҳамчунин иҷрои корҳои дигар пешбинӣ гардидааст.
Лоиҳаи аввали обтаъминкунии пойтахт аз соли 2002 то соли 2011 амалӣ гардид. Ба гуфтаи муовини аввали раиси шаҳри Душанбе Насрулло Хайруллоев, бо амалисозии лоиҳаи якум натиҷаҳои мусбат ва назаррас ба даст оварда шуданд.
«Анҷоми лоиҳаи якум нуқтаи оғози амалисозии лоиҳаи дуюм аст, зеро чанде аз масоил то ҳанӯз ҳалли минбаъдаи худро талаб мекунанд. Бо назардошти машваратҳои доиргардида, ҳамоҳангсозӣ ва баррасии ҷиҳатҳои хоси лоиҳаи дуюм бо коршиносони Бонки ҷаҳонӣ, мо комилан боварӣ дорем, ки ҳадафҳои мувофиқашуда ба ҳалли мушкилоти қаблан ҳалнашуда мусоидат хоҳанд кард», - афзуд ӯ.
Дар радабандии кишварҳои камбизоат Тоҷикистон дар ҷойи чандум аст?
Сардори Хадамоти федеролии амнияти Русия: “Ташкилкунандаи асосии ҳамлаи террористӣ ба “Крокус Сити Ҳол” дар хориҷа аст”
Қазоқистон низ тафтиши муҳоҷирони кории тоҷикро бештар ва чораҳои амниятиро дар фурудгоҳҳо пурзӯр кардааст
Тоҷикистон дар раддабандии озодии матбуот боз ду зина поён рафт
Имсол ба ҳар як иштирокчии ҶБВ қариб 50 ҳазор сомонӣ медиҳанд
Вазорати умури дохилии Русия тартиби сабти номи шаҳрвандони хориҷиро шарҳ дод
Роҳхатҳои олимпӣ дар кишварҳои Осиёи Марказӣ: кӣ аз ҳама зиёдтар дорад?
Дар радабандии ФИФА мунтахаби футзали Тоҷикистон байни 139 кишвар зинаи 34-умро ишғол кард
“Ба хотири шаффофият!”. Пули иҷораи китобҳои дарсӣ низ дигар ғайринақдӣ супорида мешавад
Собиқадорони Ҷанги Бузурги Ватанӣ дар Душанбе чанд пул мегиранд?
Кулли ахбор
Авторизуйтесь, пожалуйста