Гурӯҳи нахустини сайёҳони хориҷии иборат аз шаҳрвандони Фаронсаву Олмон, ки ҳангоми амалиёти низомӣ дар шаҳри Хоруғ қарор доштанд, ба шаҳри Душанбе баргаштанд, - иттилоъ медиҳад хадамоти бахши русии хабаргузории Би-Би-Сӣ.
Бино ба маълумоти сарчашмаҳои гуногун, айни замон дар Бадахшон даҳҳо нафар аз шаҳрвандони хориҷӣ ҳузур доранд, ки қисмати зиёди онҳо кӯчонида шудаанд.
Қаблан хабар дода будем, ки дар шаҳри Хоруғ ҳудуди 100 нафар сайёҳон боқӣ мондаанд, ки асосан шаҳрвандони кишварҳои Аврупо, ИМА ва Канада мебошанд. Зикр гардида буд, ки дар Хоруғ ва гирду атрофи он сайёҳон хеле зиёданд, аммо аз вазъи будубоши онҳо чизе маълум нест, зеро робита бо онҳо ғайриимкон аст.
Сайёҳон аз Фаронса Софи ва Дейв ҳикоят кардаанд, ки муддати тамоми шабонарӯз дар меҳмонхона будаанд. Онҳо гуфтаанд, ки дар шаҳри Хоруғ таъминот бо обу барқ ва иртиботи телефонӣ қатъ гардида, аз шунидани тирпаррониву таркишҳо хеле дар ҳарос афтодаанд. Дар роҳ онҳо манзилҳои харобшудаву оташгирифта, танкҳои сӯхташуда ва издиҳоми зиёди низомиёну аҳолии осоиштаро мушоҳида кардаанд.
Би-Би-Сӣ менависад, рӯзи чоршанбе дар мавзеи Поршнев, ки начандон дуртар аз Хоруғ воқеъ аст, эҳтимол аз ҷониби нерӯҳои ҳукуматӣ ба сӯйи сокинони деҳа, ки ба кори саҳро баромада буданд, тир холӣ карда мешавад. Зикр мегардад, ки миёни сокинони маҳаллӣ кушташудагону ҷароҳатбардоштагон ҳастанд. Сокинони деҳаи Поршнев ба нишони эътироз роҳи самти Хоруғро бо сангҳо бастаанд.
Ҳамчунин дар хусуси тирпаррониҳо дар мавзеи Калотаи ноҳияи Рӯшон иттилоъ дода мешавад. Эҳтимол меравад, ки тирпарронӣ аз ҷониби Афғонистон сурат гирифта бошад. Бар асари тирпарронӣ аъзои гурӯҳи таъиноти махсуси милиса (ОМОН) осеб дидаанд, ки он замон дар қаҳвахонаи сари роҳ ғизо тановул мекардаанд.
Тибқи маълумоти расмӣ, дар Хоруғ ва мавзеъҳои атрофи он беш аз 30 ҳазор нафар иқомат доранд.
Аз Сайидиброҳим Раисӣ то Рамон дел Ферро. Президентҳое, ки дар садамаи ҳавоӣ ҷон бохтаанд
Рӯзи 3 юми июн сафкашии сайёраҳоро метавон мушоҳида кард. Ин чист ва онро чӣ гунаву дар куҷо метавон дид?
Размикорони тоҷики ММА Наимов ва Ғафуров 22 июн ба октагони UFC FIGHT NIGHT мебароянд
"Душман"-и Ғарбу ходими содиқи низом: Ҳусейн Амирабдуллоҳиён кӣ буд?
Стратегҳои тоҷик ҳарчи бештар истеҳсоли нони худиро тавсия медиҳанд
“Осори тир нест”. Мақомоти Эрон натиҷаи аввалияи таҳқиқи суқути чархболи Иброҳим Раисиро эълон кард
Вазорати дифоъ: Нақшаи даъвати ҳарбӣ 100 дарсад иҷро шуд
Чаро Самандар Муродов дар UFC муҳориба намекунад?
Таваллуди зиёд – баҳонае барои рӯйпӯш кардани мушкил? Чаро дар Суғд нақшаи бунёди кӯдакистон иҷро нашуд?
Пешниҳоди Рустами Эмомалӣ. Аввалин Рӯзи ҷаҳонии футбол дар Тоҷикистон чӣ гуна баргузор мешавад?
Кулли ахбор
Авторизуйтесь, пожалуйста