Kont Investment Bank иттилои ба зиммаи худ гирифтани анҷоми сохтмони ду иншоот аз иншооти сохтмонаш нотамоми ширкати «Мовароуннаҳр»-ро, ки рӯзи 20-уми май аз ҷониби суди ноҳияи Синои пойтахт аз ҳабс озод карда шуданд, рад кард.
Чӣ тавре ки сухангӯи ҶСП «Холдинг Контргрупп Тоҷикистон» Далери Абдулло ба ОИ «Азия-Плюс» дар ин робита хабар дод, дарвоқеъ ҳам бо ташаббуси намояндагони ширкати «Мовароуннаҳр» мулоқоти ҷонибҳо баргузор шудааст.
«Намояндагони бонкро ҳамчун мизоҷони муқаррарӣ роҳбари бонк ба ҳузур пазируфт. Онҳо пешниҳодоти худ бобати ба итмом расонидани сохтмони чанде аз иншооти сохтмонаш нотамомро ироа доштанд, ки мо онҳоро ҳатто барррасӣ ҳам карданӣ нестем», - зикр кард Д.Абдулло.
Номбурда таъкидл сохт, ки маълумот дар бораи гӯё аз ҷониби бонк уҳдадор шудан ба анҷоми сохтмони ду иншооти нотамоми ширкати «Мовароуннаҳр» асоси воқеъӣ надорад.
Ёдрас мекунем, ки чанде қабл намояндаи ваколатдори саҳҳомони ҶДММ «Мовароуннаҳр» Бузургмеҳр Ёров ба ОИ «Азия-Плюс» хабар дода буд, ки онҳо рӯзи 15-уми июл бо мақомоти раҳбарии Kont Investment Bank дар Душанбе гуфтушунид анҷом дода шуда, онҳо ба зимма гирифтани анҷоми сохтмони ду иншооти манзилҳои баландошёнаи истиқоматӣ дар кӯчаҳои Бобоҷон Ғафуров ва Исмоили Сомониро дархост намудаанд.
Ёдрас мекунем, ки муддати беш аз 2 сол амволи ғайриманқули ширкати «Мовароуннаҳр» таҳти ҳабс қарор гирифта, дар ин муддат ҳудуди 600 нафар оилаҳо – саҳҳомони ширкат дар манзили иҷора зиндагӣ ва ба тантанаи адолат талош меварзиданд.
Мансаби нави Шодӣ Ҳафиззода ва исми сардорони нави раёсатҳои ВКД дар Суғду Рашт. Боз киҳо мансаб гирифтанд?
Шоҳрух Саидзода сардори Раёсати ВКД дар шаҳри Душанбе таъин шудааст
Ҳар як кӯдаки сеюм дар Тоҷикистон ба серӣ хӯрок намехӯрад
Дар як рӯз ду навраси дигар дар об ғарқ шуданд. Тавсияҳои КҲФ дар мавсими оббозӣ
Душанбе то моҳи сентябри соли оянда пурра ба электромобил мегузарад
Шӯрои олимпии Осиё барои сохтмони майдони варзиши сабук дар Душанбе 1,5 млн сомонӣ медиҳад
Аз Урдун шикаст хӯрд. Тоҷикистон имкони роҳ ёфтан ба Ҷоми Ҷаҳон-2026-ро аз даст дод
Идомаи ҷанҷол дар ҲДТ. Усмонзода далелҳои иловагии худро ба Вазорати адлия пешниҳод кардааст
Маҳсулоти кишоварзии Тоҷикистон тозатарин дар ИДМ эътироф шуд
Як мард барои куштори ҳамзисташ 16 сол равонаи зиндон шуд
Кулли ахбор
Авторизуйтесь, пожалуйста