Имрӯз дар ҷаласаи 9-уми Кумитаи раҳбарии Маркази минтақавӣ оид ба идоракунии захираҳои обӣ дар шаҳрҳо, ки дар Душанбе мегузарад, мушкилоти мавҷуда дар истифодаи оқилонаи захираҳои обӣ дар минтақаи Осиёи Марказӣ ва Шарқи Наздик баррасӣ шуданд.
Дар ин чорабинӣ намояндагони вазоратҳои мелиоратсия ва захираҳои об ва ҳамчунин энергетикаи Тоҷикистон, Эрон, Афғонистон, Уммон ва Бангладеш ширкат доранд.
Муовини вазири энергетика ва оби Эрон Алиризо Доимӣ қайд кард, ки сол то сол ҳарорат гарм шуда, ба иқлими тамоми ҷаҳон таъсири манфӣ мегузорад. Ба гуфтаи ӯ, истифодаи нодурусти захираҳои обӣ натанҳо ба бадшавии вазъи иқлим, балки ба муносибатҳои байни кишварҳо низ таъсир мерасонад.
Намояндаи Вазорати об ва энергеткаи Афғонистон Султонмаҳмуд Маҳмудӣ дар навбати худ зикр кард, ки агар мушкилоти камбуди об саривақт ҳал нагардад, ба мушкилоти зиёди кишварҳо дар минтақа ва мухолифатҳои минбаъда боис шуда метавонад.
«Бар асари камбуди об дар Афғонистон сол то сол натанҳо камбизоатӣ ривоҷ меёбад , балки шумори маргумир миёни кӯдакону пиронсолон меафзояд. Соли 2013 маргумир миёни кӯдакони аз 5-сола хурдтар маҳз ба иллати камбуди об 22% зиёд шуд», - гуфт ӯ.
Намояндаи Вазорати мелиоратсия ва захираҳои оби Тоҷикистон Қодир Алиев изҳор намуд, ки ҳарчанд Тоҷикистон кишвари доро аз нигоҳи захираҳои обӣ маҳсуб ёбад ҳам, имрӯз мушкилоти таъминот бо оби 47%-и заминҳои кишт мавҷуд аст ва ин мушкилот бештар ба он вобаста аст, ки пас аз пошхӯрии Иттиҳоди Шӯравӣ дар Тоҷикистон мушкилоти норасоии иншооти обёрикунанда ба миён омад.
Сергей Шойгу дигар вазири мудофиаи Русия нест. Путин ӯро дигарбора ба ин вазифа таъин накард
Ҳалокати ронанда ва 2 мусофир бар асари садамаи нақлиёт дар роҳи Хуҷанд-Конибодом
Ба собиқадорони Ҷанги Бузурги Ватанӣ дар кишварҳои Осиёи Марказӣ чӣ қадар кумакпулӣ пардохт гардид?
Ҷудокори тоҷик Темур Раҳимов дар Қазоқистон ҳам медали нуқра ба даст овард
Тоҷике, ки автобуси зери идорааш ба дарё сарозер шуд, барои нақзи қонунгузории муҳоҷирати Русия айбдор мешавад
Боз як роҳхати Тоҷикистон ба Бозиҳои олимпии соли 2024
“Хариду фурӯш”-и сарбоз? Дар Суғд оилаҳое, ки писарашон ба хидмати ҳарбӣ намеравад, маблағ ҷамъ мекунанд
Такрори бӯҳрон? Ихтилофи навбатӣ дар сафи Ҳизби демократи Тоҷикистон
Аз ятимӣ то Ватансозӣ: рӯзгори сарсупурдае, ки аз ҷанг ба сиёсат расид
Рӯзи ғалаба муборак, Тоҷикистон!
Кулли ахбор
Авторизуйтесь, пожалуйста