Дафтари Созмони амнияту ҳамкории Аврупо дар Тоҷикистон марҳилаи охирини музокироти ҷамъиятӣ оид ба қабули варианти ниҳоии лоиҳаи Кодекси экологии Тоҷикистонро баргузор намуд.
Тавре ба ОИ «Азия-Плюс» аз Дафтари САҲА дар ҶТ хабар доданд, варианти ниҳоии лоиҳа аз ҷониби гурӯҳи кории иборат аз коршиносони тоҷик ва байнулмилалӣ оид ба таҳияи Кодекси миллии экологӣ омода ва баррасии ҳукумату ҷомеаи шаҳрвандӣ пешниҳод гардид.
Ба иттилои манбаъ, ҳуҷчат аз шарҳу тавзеҳоти қаблан бадастомада зимни дигар ҷаласаҳои музкоироти ҷамъиятӣ дар тамоми манотиқи Тоҷикистон моҳи июни соли 2013 иборат буд.
«Ҳадаф аз музокироти ҷамъиятӣ баррасии лоиҳаи Кодекс ва фароҳам овардани имконот ба субъектҳои дахлдор ҷиҳати саҳм гирифтан дар таҳияи варианти ниҳоии лоиҳаи имрӯз пешниҳодшуда мебошад», - гуфт роҳбари Дафтари САҲА дар ҶТ Маркус Мюллер.
Лоиҳа ба такмили қонунгузории экологӣ ва таъмини мутобиқати он ба меъёрҳои байнулмилалӣ нигаронида шуда, бо дархости ҳукумат ва парлумони ҶТ таҳия гардид.
Мудири шуъбаи вазъи фавқулода ва экологияи Дастгоҳи иҷроияи президенти ҶТ Хайрулло Ибодзода дар ин робита зикр кард, ки дар бахши экология Кодекси экологӣ бояд санади калидии қонунгузорӣ гардад. «Дастгирии САҲА дар таҳияи ин санад нақши ҳалкунанда дорад», - гуфт номбурда.
Дар Дафтари САҲА илова намуданд, ки соли 2014 Кодекси экологӣ барои тасдиқ ба парлумони Тоҷикистон пешниҳод мегардад.
"Репатриант" – роҳи дигари муқим шудан дар Русия. Ин чӣ мақом аст ва кӣ метавонад аз он истифода кунад?
Ҳукумати Тоҷикистон ба НБО “Роғун” 5,5 млн доллар маблағи иловагӣ равона мекунад
Сафири Русия ба ВКХ даъват шуд. Тоҷикистон нигаронии худро оид ба эҷоди мушкил дар вуруди шаҳрвандонаш ба Русия иброз дошт
Роҳбари ҶДММ “Лоиқ”: “Санҷиши Агентии зиддифасод дахолат ба фаъолияти соҳибкорӣ аст”
Тоҷикистон медал намегирад? Пешгӯии таҳлилгарон оид ба Олимпиада-2024
Бо пешниҳоди Эмомалӣ Раҳмон. Шукурҷон Зуҳуров раис интихоб шуд
Даргузашти раиси пешини шаҳри Душанбе
Мансабдори пешини қирғиз, ки як санад оид ба марзи Тоҷикистону Қирғизистонро имзо карда буд, аз зиндон озод шуд
Тасарруфи беш аз 142 ҳазор сомонӣ зимни сохтмони як бинои Маркази миллии тестӣ
Додситонии Олмон панҷ зодаи Тоҷикистонро ба терроризм муттаҳам кард
Кулли ахбор
Авторизуйтесь, пожалуйста