Имрӯз дар Маскав Протокол оид ба ворид намудани тағйирот ба Созишнома аз 16-уми октябри соли 2004 дар бораи фаъолияти меҳнатӣ ва ҳифзи ҳуқуқи шаҳрвандони Тоҷикистон дар Русия ва шаҳрвандони Русия дар Тоҷикистон ба имзо расид.
Санади мазкурро сардори Хадамоти муҳоҷирати назди ҳукумати ҶТ Сафиалло Девонаев ва роҳбари Хадамоти федералии муҳоҷирати Русия Константин Ромодановский ба имзо расониданд.
Бино ба иттилои хадамоти матбуоти намояндагии Хадамоти муҳоҷирати ҶТ дар Русия, дар протоколи мазкур додани иҷозати кор ба шаҳрванди Тоҷикистон ба муҳлати то се сол дар қаламрави Русия пешбинӣ шудааст, ки он асос барои тамдиди муҳлати будубоши муваққатии коргар дар қаламрави кишвари қабулкунанда ба муҳлати амали иҷозати кор бидуни хориҷ шудан аз ҳудуди ин кишвар мебошад.
Муқаррароти Протокол нисбати ҳамаи шаҳрвандони Тоҷикистон, ки ба ин ё он фаъолияти меҳнатӣ дар қаламрави Русия машғуланд, мавриди амал қарор хоҳад гирифт.
Пас аз имзои протокол Сафиалло Девонаев барои дар як муҳлати кӯтоҳ таҳияву омода гардидани ин санади муҳим ба мақомоти раҳбарии Хадамоти федералии муҳоҷирати Русия, сафоратхонаи Русия дар Тоҷикистон ва кормандони мақомоти муҳоҷирати ҳарду кишвар изҳори миннатдорӣ намуд.
Ин аллакай ҳуҷҷати дуюми муҳими баимзорасида миёни Тоҷикистону Русия аст, ки ба танзими масоили муҳоҷирати корӣ, ҳифзи ҳуқуқ ва манфиатҳои муҳоҷирони корӣ, шаҳрвандони Тоҷикистон, ки муваққатан дар қаламрави Русия кор мекунанд, нигаронида шудааст.
Ҳарду санад дар чаҳорчӯби Ёддошт «Дар бораи нияти Тоҷикистон ва Русия оид ба рушди минбаъдаи ҳамкорӣ дар бахши муҳоҷират», ки зимни сафари президенти Русия Владимир Путин ба Тоҷикистон 5-уми октябри соли 2012 ба имзо расида буданд, таҳия ва тасдиқ шуданд.
Нақшаи даъвати ҳарбӣ дар Хатлон 100% иҷро шуд
Вазорати меҳнат: Барои кор дар Британия ба ширкатҳои иҷозанадошта муроҷиат накунед!
Кумитаи андоз исми 16 блогерро нашр карда гуфт, онҳо ба "соҳибкории ғайриқонунӣ машғуланд"
Дар орзуи шароити хуби корӣ. Кӯҳнадӯзони Хуҷанд дар барфи зимистону гармои тобистон чӣ кор мекунанд?
Тоҷикистон барои сохтмони пули дарозтарин дар кишвар қарз дарёфт кард
Боздошти як корманди Комиссариати ҳарбӣ барои гирифтани пора дар Темурмалик
Раиси пешин ва нави ҲДТ дар интизори хулосаи Вазорати адлия. Усмонзода аз мандати вакили парлумон маҳрум мешавад?
Қазоқистон ба Тоҷикистон барои таҳсили IT-мутахассисон 100 ваучер дод
Тағйироти кадрӣ: писари Маҳмадсаид Убайдуллоев аз вазифа рафт
Роҳбари ширкатеро, ки автобусаш дар Петербург ба дарё афтод, низ ду моҳ ба ҳабс гирифтанд
Кулли ахбор
Авторизуйтесь, пожалуйста