Дар Фурудгоҳи байнулмилалии Душанбе бо супориши роҳбарият ва ибтикори муҳандисони соҳа гармхонаи муосир сохта шуд, ки масоҳати умумии он 648 метри мурабаъро дар бар мегирад.
Тавре котиби матбуотии фурудгоҳ Муҳаммадюсуф Шодиев хабар дод, тибқи нақшаи корӣ дар гармхона бояд ҳудуди 200 ҳазор гулҳои гуногун парвариш ёфта, алъон 50 ҳазор дона тубакҳо бо навъҳои ҳархелаи гулҳо пур карда шудаанд.
Муҳандиси растанипарвар Ҳамидулло Файзуллоев дар ин робита изҳор кардааст, ки солҳои пеш барои ороиши майдон ва толорҳои фурудгоҳ аз беруни кишвар тухмӣ ва растаниҳоро ворид мекардем, акнун мо имкон дорем, ки зиёда аз сад намуд гулу гиёҳҳои ороиширо дар ҳамин гармхона правариш намуда мавриди истифода қарор диҳем. «Асосан гулҳои ороишии календула, маргаритка, мехчагули туркӣ, кактус, пеларгония, ғурриши шер, 12 намуди лола, агава, селозия, катарантус, коллегия, портулак, петуния, хризантема ба шароит мутобиқ парварида мешавад», - гуфтааст ӯ.
Зимнан зикр гардид, ки дар ҳолати хуби экологӣ нигоҳ доштани майдон ва толорҳо, кам кардани хароҷот ва дарёфти маблағҳои иловагӣ яке аз бартариятҳои нақшавии фурудгоҳи Душанбе ба ҳисоб меравад, аз ин хотир мутахассисон бар он назаранд, ки бо ба истифода додани гармхона, фурудгоҳ на танҳо хароҷотро кам мекунад, балки метавонад даромади иловагӣ ба даст орад.
Сироҷиддин Муҳриддин гуфтааст, изҳороти Сергей Лавров “бо вазъи воқеӣ мувофиқат намекунад”
Даргузашти муҷассамасози шинохта Игор Иванов
Баъди супоридани нота Сергей Лавров ба Сироҷиддин Муҳриддин занг зад
Як “эстакада”-и Душанбе бо беш аз 28 млн евро қарзи БАТР сохта мешавад
Дар робита ба таҷлили Иди ғалаба ва Рӯзи ваҳдати миллӣ реҷаи корӣ тағйир меёбад
20 сол чашминтизори шавҳари муҳоҷир. Чаро Марҳаборо “Зани оҳанӣ” мегӯянд?
Ифтитоҳи парвандаи ҷиноятӣ бар зидди як мансабдори ҳукумати Исфара
Даҳбеди Самарқанд: Аз пайравии нақшбандия то се мавҷи муҳоҷират
Эмомалӣ Раҳмон: “Аз ҳамкорӣ бо БАТР умедвориҳои калон дорем”
“Русия бояд уҳдадориҳояшро иҷро кунад!”. Як созмони ҷаҳонӣ ва ҳуқуқшиносони тоҷик шиканҷаи гумонбарони “Крокус”-ро маҳкум карданд
Кулли ахбор
Авторизуйтесь, пожалуйста