Сафири Русия дар Тоҷикистон Игор Лякин Фролов дар суҳбат бо хабарнигори ОИ «Азия-Плюс» изҳор намуд, ки айни замон ҷараёни тасдиқи Созишнома дар бораи будубоши шаҳрвандони Тоҷикистон дар қаламрави Русия дар Думаи давлатӣ ба марҳилаи хотимавӣ расид.
«Тибқи созишнома, шаҳрвандони тоҷике, ки муваққатан ба қаламрави Русия ворид мешаванд, муддати 15 рӯз (қаблан 7 рӯз муқаррар шуда буд) аз уҳдадории худро ба қайд гузоштан дар мақомоти салоҳиятдори Русия озод карда мешаванд. Мо бар ин назарем, ки ин ҷараён дар фурсати наздиктарин ба итмом мерасад», - иброз дошт ӯ.
Ғайр аз ин, ӯ хотиррасон намуд, ки рӯзи 29-уми октябри соли равон дар Маскав Протокол оид ба ворид намудани тағйирот ба Созишнома аз 16-уми октябри соли 2004 дар бораи фаъолияти меҳнатӣ ва ҳифзи ҳуқуқи шаҳрвандони Тоҷикистон дар Русия ва шаҳрвандони Русия дар Тоҷикистон ба имзо расид.
«Дар протоколи мазкур додани иҷозати кор ба шаҳрванди Тоҷикистон ба муҳлати то се сол дар қаламрави Русия пешбинӣ шудааст, ки он асос барои тамдиди муҳлати будубоши муваққатии коргар дар қаламрави кишвари қабулкунанда ба муҳлати амали иҷозати кор бидуни хориҷ шудан аз ҳудуди ин кишвар мебошад ва феълан ин санад мавриди мувофиқа ва омодакунӣ барои тасдиқ дар Думаи давлатии Русия қарор дорад», - гуфт сафир.
Бино ба иттилои Хадамоти федералии муҳоҷирати Русия, айни замон шумори муҳоҷирони кории тоҷик дар қаламрави Русия беш аз 1 млн. нафарро ташкил медиҳад.
Даргузашти муҷассамасози шинохта Игор Иванов
Баъди супоридани нота Сергей Лавров ба Сироҷиддин Муҳриддин занг зад
Як “эстакада”-и Душанбе бо беш аз 28 млн евро қарзи БАТР сохта мешавад
Дар робита ба таҷлили Иди ғалаба ва Рӯзи ваҳдати миллӣ реҷаи корӣ тағйир меёбад
20 сол чашминтизори шавҳари муҳоҷир. Чаро Марҳаборо “Зани оҳанӣ” мегӯянд?
Ифтитоҳи парвандаи ҷиноятӣ бар зидди як мансабдори ҳукумати Исфара
Даҳбеди Самарқанд: Аз пайравии нақшбандия то се мавҷи муҳоҷират
Эмомалӣ Раҳмон: “Аз ҳамкорӣ бо БАТР умедвориҳои калон дорем”
“Русия бояд уҳдадориҳояшро иҷро кунад!”. Як созмони ҷаҳонӣ ва ҳуқуқшиносони тоҷик шиканҷаи гумонбарони “Крокус”-ро маҳкум карданд
Нигаронии ҷиддӣ аз нақзи ҳуқуқ ва озодиҳои тоҷикон. Тоҷикистон ба сафири Русия нотаи эътирозӣ супорид
Кулли ахбор
Авторизуйтесь, пожалуйста