Тибқи гузориши нашрияи бритониёии Cable.co.uk, ки фаъолияти ширкатҳои фароҳамсози интернет (провайдерон)-ро муқоиса мекунад, Тоҷикистон аз лиҳози суръати интернет ба даҳгонаи кишварҳои суръаташон пасттарин ҳам дар ИДМ ва ҳам дар саросари ҷаҳон шомил аст.
Мувофиқи маълумоти гузориши нашршуда, боркунӣ (загружать)-и файли ҳаҷмаш 5 гигабайт дар Тоҷикистон ба ҳисоби миёна бо суръати 1,82 Мбит/сония имконпазир аст. Аз рӯи ин нишондиҳанда байни 224 кишвар ҷумҳурии мо зинаи 211-умро ишғол мекунад.
Гуфта мешавад, дар баробари Тоҷикистон ба даҳгонаи кишварҳои суръати интернеташон пасттарин инчунин Туркманистон низ дохил аст, ки зинаи охирини 224-умро касб намуда, суръати боркунӣ дар ин кишвар ба ҳисоби миёна 0,50 Мбит-сонияро ташкил медиҳад.
Дар кишварҳои Иттиҳоди Давлатҳои Мустақил (ИДМ) суръати интернет ба ҳисоби миёна дар маҷмӯъ 12,87 Мбит/сонияро ташкил медиҳад.
Байни кишварҳои минтақаи Осиёи Марказӣ суръати баландтарини интернет дар Қирғизистон - боркунии 5 гигабайт бо суръати 7,44 Мбит/с (зинаи 155-ум) сабт шуда, ин нишондиҳанда дар Ӯзбекистон ба 6,64 Мбит/с (зинаи 166-ум) ва Қазоқистон - ба 5,83 Мбит/сония баробар аст.
Миёни кишварҳои ИДМ дар сегонаи кишварҳои суръаташон баланд Русия (35,73 Мбит/с, зинаи 66-ум), Украина (25,26 Мбит/с, зинаи 77-ум) ва Беларус (19,86 Мбит/с, зинаи 92-юм) зикр шудаанд.
Дар ҳамин ҳол, тибқи маълумоти радабандии Worldwide mobile data pricing 2021, ки арзиши хидматрасониҳои марбутаро дар ин самт муайян мекунад, байни 231 кишвар Тоҷикистон дар мақоми 132-юм қарор дорад. Нархи 1 Гб интернети мобилӣ дар Тоҷикистон ба ҳисоби миёна ба 4,65 доллар мерасад.
Бино ба маълумоти Хадамоти алоқаи Тоҷикистон, соли 2020 шумори корбарони интернет дар ҷумҳурӣ 3,34 млн нафар ва корбарони алоқаи мобилӣ - 7,3 млн нафарро ташкил дода буд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Кумитаи андоз исми 16 блогерро нашр карда гуфт, онҳо ба "соҳибкории ғайриқонунӣ машғуланд"
Дар орзуи шароити хуби корӣ. Кӯҳнадӯзони Хуҷанд дар барфи зимистону гармои тобистон чӣ кор мекунанд?
Тоҷикистон барои сохтмони пули дарозтарин дар кишвар қарз дарёфт кард
Боздошти як корманди Комиссариати ҳарбӣ барои гирифтани пора дар Темурмалик
Раиси пешин ва нави ҲДТ дар интизори хулосаи Вазорати адлия. Усмонзода аз мандати вакили парлумон маҳрум мешавад?
Қазоқистон ба Тоҷикистон барои таҳсили IT-мутахассисон 100 ваучер дод
Тағйироти кадрӣ: писари Маҳмадсаид Убайдуллоев аз вазифа рафт
Роҳбари ширкатеро, ки автобусаш дар Петербург ба дарё афтод, низ ду моҳ ба ҳабс гирифтанд
Дар Душанбе як зан фарзанди нахустини худро дар "Олуча Такси" ба дунё овард
Даромад аз шағал муҳимтар аз амнияти одамон? Шикояти сокинони маҳаллаи селзадаи Ваҳдат аз хунукназарии масъулин
Кулли ахбор
Авторизуйтесь, пожалуйста