Дар семоҳаи дуюми соли ҷорӣ шумори муҳоҷирони кории ба Русия воридшуда 3,12 млн нафарро ташкил дод, ки сеяк ҳисса аз соли гузашта бештар буда, нишондиҳандаи рекордии семоҳаи ҳадди ақалл дар шаш соли ахир аст.
Бино ба маълумоти шабакаи аудиторӣ-консалтингии FinExpertiza, ки дар ихтиёри хабаргузории ТАСС қарор гирифтааст, семоҳаи аввали ҳамин сол 4,16 млн хориҷиён дар маҳалли будубош худро ба қайд гузошта, 3,12 млн нафарашон ҳадафи сафарро кор зикр кардаанд, ки нишондиҳандаи рекордии семоҳа дар муддати тамоми давраи дастрасии омор аз соли 2017 мебошад.
Шумори муҳоҷирони корӣ дар семоҳаи аввали соли равон нисбат ба ҳамин давраи соли 2021 (2,34 млн нафар хориҷиён) сеяк ҳисса бештар будааст.
Дар семоҳаи аввали соли 2022 теъдоди коргарони хориҷие, ки ба кишвар ворид шудаанд, 2,76 млн нафарро ташкил додааст. Дар баробари ин дар мавод таъкид шудааст, ки ҳадди ақали вуруди нерӯи кории хориҷӣ дар семоҳаи дуюми соли 2020 ба қайд гирифта шудааст, ки ин асосан ба маҳдудиятҳои карантинӣ вобаста буд. Он замон ба кишвар ҳамагӣ 330 ҳазор муҳоҷири корӣ ворид шуда буданд, яъне нисбат ба семоҳаи дуюми соли 2019 панҷ маротиба камтар. Рақами имсола бошад, аз нишондиҳандаҳои пеш аз пандемия ду баробар зиёдтар аст.
“Ба ин пеш аз ҳама, болоравии ғайричашмдошти қурбии рубл таъсир расонд, ки дар натиҷа бозори меҳнати Русия барои хориҷиён ҷолибтар гардид, зеро даромади онҳо бо асъори хориҷӣ зиёд шуда, ҳаҷми интиқоли пулашон ҳам ба ватан афзуд”, - иброз доштааст президенти FinExpertiza Елена Трубникова.
Гуфта мешавад, нисфи тамоми муҳоҷирони корӣ (1,54 млн нафар ё 49,6 фоиз)-ро шаҳрвандони Ӯзбекистон ва тақрибан сеяки муҳоҷирони корӣ (52 ҳазор нафар ё 30,5 фоиз)-ро шаҳрвандони Тоҷикистон ташкил дода, 1,7% ё худ 54,2 ҳазор нафар ба кишварҳои пасошӯравии собиқ бо шумули Чин рост омадааст.
Ҳамчунин дар семоҳаи дуюм зодагони кишварҳои хориҷи дур аз Аврупо ва Амрико, аз ҷумла Сербия, Олмон, Италия, Британияи Кабир, Фаронса, ИМА, Лаҳистон, Испания, Чехия, Руминия, Нидерланд, Бразилия, Юнон, Австрия, Канада, Словакия, Португалия, Шветсия, Финландия, Венгрия ва дигар кишварҳо низ барои кор ба Русия омадаанд.
Дар ҳамин ҳол, гуфта мешавад, семоҳаи дуюм бахусус вуруди муҳоҷирони корӣ аз Ӯзбекистон (ба миқдори 416,2 ҳазор ё худ 36,9%) ва Тоҷикистон (406,9 ҳазор ё худ 74,6%) афзудааст.
Ҳамчунин вуруди муҳоҷирон аз Озарбойҷон, Чин, Қирғизистон, Ветнам, Филиппин, Ҳиндустон, Таиланд ва Амороти Муттаҳидаи Араб низ зиёд шудааст.
Бо пешниҳоди Эмомалӣ Раҳмон. Шукурҷон Зуҳуров раис интихоб шуд
Даргузашти раиси пешини шаҳри Душанбе
Мансабдори пешини қирғиз, ки як санад оид ба марзи Тоҷикистону Қирғизистонро имзо карда буд, аз зиндон озод шуд
Тасарруфи беш аз 142 ҳазор сомонӣ зимни сохтмони як бинои Маркази миллии тестӣ
Додситонии Олмон панҷ зодаи Тоҷикистонро ба терроризм муттаҳам кард
Боз 47 зану кӯдаки тоҷикро аз Сурия ба Тоҷикистон баргардониданд
“Акнун ба Чин меравам”. Ҷорӣ шудани низоми раводид бо Туркия ба тоҷирони тоҷик чӣ таъсир дорад?
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
Кулли ахбор
Авторизуйтесь, пожалуйста